ဒီနေ့နဲ့ဆို ကိုကိုနှင့်မတွေ့ရတာ တစ်ပတ်ပင်ကျော်ပြီဖြစ်သည်။ နေ့တိုင်းဖုန်းဆက် message ပို့ရုံသာတတ်နိုင်ခဲ့သည်။
ညဘက်လေးသွားတွေ့မယ်ဆိုရင်တောင် သူ့အိမ်ရှေ့မှာရော ကိုကို့အိမ်ရှေ့မှာပါ စောင့်ကြည့်နေတဲ့ကင်းပုန်းတွေကြောင့် လှုပ်ပင်မလှုပ်ရဲပေ။ လွမ်းတဲ့စိတ်နဲ့ ရူးမတတ်ပင်ဖြစ်နေရလေသည်။
နေ့တိုင်းညတိုင်း အသံလေးနှင့်ပဲဖြေသိမ့်နေရတဲ့ဘဝတွေဖြစ်ခဲ့သည်။ video call တော့မခေါ်ဖြစ်ခဲ့ပေ။ အသံကြားရုံနဲ့တောင်ပြေးတွေ့ချင်စိတ်ကရူးမတတ်ဖြစ်နေခဲ့ရတာ။ ဖုန်းထဲနေမျက်နှာလေးသာမြင်နေရပြီး အပြင်မှာပြေးတွေ့လို့မရလေသောကြောင့် အမှန်တစ်ကယ်ရူးသွားနိုင်သည်။
ဒီနေ့ရက်တွေကို ဘယ်လိုကျော်ဖြတ်ရမလဲ။ ကြာကြာတောင့်မခံနိုင်ဘူးဆိုတာ သူသိနေသည်။ ကိုကိုနဲ့ ဒီထက်ပိုဝေးကွာသော အနေအထားရောက်မှာ စိုးရိမ်လွန်းသောကြောင့်သာငြိမ်နေရသည်။
သူဘယ်လိုမှ နေလို့ထိုင်လို့မရပေ။ အရင်စိတ်နဲ့ဆို စိတ်စေရာအတိုင်းလုပ်ပြီးခဲ့လောက်ပြီဖြစ်သည်။အခုကတော့ချစ်ရတဲ့သူထိခိုက်မှာကို ပိုပြီးစိုးရိမ်နေရတဲ့အနေအထားကြောင့် ကြိတ်မှိတ်နေရသည့်ဖြစ်ခြင်းပင်။နေ့တိုင်းနေ့တိုင်း ခြောက်လကျော်လောက် မခွဲပဲတတွဲတွဲ နေလာခဲ့တာမဟုတ်လား။အရင်ကတောင် တစ်ရက်မတွေ့ရရင် တစ်ရက်လစ်ဟာနေတတ်တာ။ အခုလိုသူ့ခံစားချက်ကိုယ့်ခံစားချက် သိသွားကြတဲ့အချိန်မှာ
ခွဲခွာနေရတာဟာ ငရဲကျတာထက်ဆိုးလွန်းတဲ့ ခံစားချက်ပဲဖြစ်လေသည်။" Arrrrrrrrrrr......shit "
အတွေးပေါင်းစုံနှင့် သူစိတ်ပေါက်ပေါက်နှင့် အာခေါင်ခြစ်အော်လိုက်မိတော့သည်။ ဆိုးတယ် ..ဆိုးတယ်..တော်တော်ဆိုးတယ်..အရမ်းဆိုးတယ်။အရမ်းကိုဆိုးရွားလွန်းတဲ့ခံစားချက်ကြီးပဲကွာ…….
…………………………..
" မင်း သူနဲ့ ... တွဲရမယ် "
ဓာတ်ပုံတစ်ပုံကို သူ့ရှေ့သို့ထိုးပြပြီး ပြောလိုက်တဲ့ဦးကောင်းကြွယ်ကြောင့် တာရာထိတ်လန့်တကြားမော့ကြည့်လိုက်မိသည်။ ဒီလူကြီးဘာတွေကြံစည်နေတာလဲ။
![](https://img.wattpad.com/cover/199076132-288-k341661.jpg)
YOU ARE READING
အချစ်ဆိုသော ထိုအရာ (Complete)
Romanceကိုကို့ ကို ဘယ်အချိန်က စချစ်မိလဲ ကျွန်တော့ကို ကျွန်တော်လဲ မသိတော့ဘူး သေချာတာတော့ ကိုကို့ အပြုံးတစ်ချက်က ကျွန်တော့်ကို ရူးသွပ်စေနိုင်တဲ့ အထိ အစွမ်းထက်တယ် #အဓိက မင်းအတွက် အရာအားလုံး စွန့်လွှတ်ဖို့ ဝန်မလေးပေမဲ့ ငါ့အတွက်ကြောင့် မင်းကြိုးစားထားတဲ့အရာ...