သူ့ရှေ့ခုံမှာမှုန်တေတေထိုင်နေတဲ့ အဓိကကိုကြည့်ပြီး ဦးမြတ်မိုးလွင်ကြတ်ပြုံးလိုက်မိသည်။ သိနေတယ်လေ။ ရောက်ကို ရောက်လာမယ်ဆိုတာသိနေတယ်။သူ့ရဲ့တစ်စုံတစ်ယောက်ကိုထိခိုက်မှာ သေလောက်အောင်ကြောက်တဲ့ကလေးမဟုတ်လား။
ဒီကလေးကသာ သူ့ကိုရှိတယ်လို့တောင်မထင်ပဲလာမတွေ့ခဲ့ပေမဲ့ သူကတော့ဒီကလေးမသိအောင် အမြဲတမ်းသူ့အနောက်ကနေ နေပေးနေခဲ့တာလေ ။
သူ့အမေကိုချစ်တော့လဲ သူ့သားကိုချစ်ပေးရမှာပဲလေ ။
" ပြော.... ဘာကိစ္စလဲ.... လာတွေ့ခိုင်းတယ်ဆိုတာ..... "
သူ့ကိုမော့မကြည့်ပဲမေးလိုကတဲ့ အဓိက။
ဒီကလေးဟာစကားကို ဘယ်တုန်းကမှညင်ညင်သာသာ နားဝင်ချိုအောင်မပြောတတ်ခဲ့ပေ။ သူချစ်တဲ့သူနဲ့တော့ ဘယ်လိုနေမယ်မသိ။
" မင်း....ဘာဆက်လုပ်မယ် စဉ်းစားထားလဲ....ဒီလောက်အခြေအနေတွေဖြစ်နေတာ မင်းမှာမိသားစုရှိသေးတယ်ဆိုတာကော သတိရသေးရဲ့လား။မင်းကတစ်ကောင်ကြွက်မဟုတ်ဘူးလေ။ ငါတို့ကိုလဲ မင်းအကူအညီတောင်းလို့ရပါတယ်ကွ...."
" Ahak....."
အကူအညီတဲ့.... သူအိမ်ကထွက်လာတဲ့ ငါးနှစ်ကျော် ခြောက်နှစ်အတွင်း အမေ့ဆီကရောထိုလူ့ဆီကပါ ဘာအကူအညီမှပြန်မယူခဲ့တာ သူတို့လဲသိသားနဲ့။ ဘာလို့ဒီစကားတွေ လာပြောနေတာလဲ။ အဓိကဆိုတာသူများနှာခေါင်းပေါက်နဲ့ အသက်ရှုတတ်တဲ့လူမှမဟုတ်တာလေ။
" ဘာကိုအကူအညီတောင်းရမှာလဲ....
အခုကျွန်တော်က ဘာဖြစ်နေလို့လဲ....
အခုကဘာလဲ ကျွန်တော့ကိုကူညီချင်လွန်းလို့ ခေါ်လိုက်တာလား ...ထပ်ပြီး ဒုက္ခပေးဖို့လား..... "
" ကျွတ်...အဓိက..... မင်းကငါ့သားပါကွာ..... "
ရော် ခက်ပြီ ...အတင်းတွေတော်စပ်ချင်နေတာပါလား။.
" ဒီမှာဦးလေး .. ကျွန်တော်ကဦးလေးကို ဘယ်လိုသဘောထားတယ်ဆိုတာ ဦးလေးသိပါတယ်နော်၊ ဦးလေးနဲ့ကျွန်တော့အမေရဲ့ပတ်သတ်မှူကို ကျွန်တော်ဘာမှမပြောလိုဘူး၊ ဒါကအမေ့စိတ်စေရာအတိုင်းပဲ
အမေစိတ်ချမ်းသာရင် ကျွန်တော်အဆင်ပြေတယ်၊ ဒါပေမဲ့ ကျွန်တော့်ကိုပါလာပြီး မစိုးမိုးပါနဲ့ မခြယ်လှယ်ချင်ပါနဲ့ ကျွန်တော့အမေကိုလဲ ကျွန်တော့ဆီကလုယူပြီးပြီ..
အခုထပ်ပြီး ကျွန်တော်ချစ်ရတဲ့သူကိုပါ ဘာလုပ်ချင်တာလဲ "
YOU ARE READING
အချစ်ဆိုသော ထိုအရာ (Complete)
Romanceကိုကို့ ကို ဘယ်အချိန်က စချစ်မိလဲ ကျွန်တော့ကို ကျွန်တော်လဲ မသိတော့ဘူး သေချာတာတော့ ကိုကို့ အပြုံးတစ်ချက်က ကျွန်တော့်ကို ရူးသွပ်စေနိုင်တဲ့ အထိ အစွမ်းထက်တယ် #အဓိက မင်းအတွက် အရာအားလုံး စွန့်လွှတ်ဖို့ ဝန်မလေးပေမဲ့ ငါ့အတွက်ကြောင့် မင်းကြိုးစားထားတဲ့အရာ...
