سمارا اليسار (انبلاج السوسن)

_ 3_

#بــقلم
#ايــزابــيل
#البــارت الثـالث
(ســمارا اليــسار)   

‏أليس مؤسفاً أن يذبل الشعور الذي كان مذهلا ؟
..
سمارا

اجت عمتي شالت روان وتهدي بيهه رجعت كعدت على الكرسي ورجليه يرجفن ياربي دخيلك كلشي ولا تفجعني ب اخوي ،،

تذكرت شلون نهبطت قبل شويه من روان كالت مسوي حادث ،، غمضت عيوني الي حركني اثر دموعي وفركت وجهي
اجت بسمله يمي :- نشالله مابي شيء سمارا لا تبجين ،،،

نفتح الباب ودخل محمد راح الأمي يهدي بيهه ويكلهه مابي شيء مجرد حادث بسيط ،،
لتفت لجهتي صارت عيوني بعيونه نزلت راسي فورٍ ...

مرن ساعتين رجعوا ووياهم مرتضى شاد راسه وكف رجله روان خطيه بس تبجي نسكت وماكو ،،

نومو بالستقبال لان ميكدر يصعد فوك كلنه لتمينه علي وعمي ابو محمد كاعد يمه ويبوس بي ،، والي وترني محمد دقيقه وحده ماشال نضره عني ،،

فززني صوت امي :- سمارا روحي صبي كلاص نومي بصره الأخوج ،،

هزيت راسي ب اي ورحت للمطبخ ملتهيه اصب بالنومي وفكري شارد ..سمعت صوت حمحمه ..

لتفتت شفته محمد كلت :- محتاج شيء ؟؟

:- كلاص مي اذا مابيهه زحمه ،،

هزيت راسي ورحت للثلاجه فتحت الفريز وطلعت المي لتفتت شفته كبالي مباشره واكف ويباوعلي بتفحص كمزت ورجعت خطوه ليوره كال :- اسف كمزتج ،،

مديت كلاص المي اله وكلت :- لا عادي مصار شيء ،،

انطيته اله ولتفت اخذت النومي وطرت للستقبال احس الدم وكف بجسمي وشرياني أنصبت علي صمامه منعته عن النبض ،،،

كعدت بصف بسمله وهو اجه دخل للستقبال انطاني نضره وياهه ابتسامه ماعرفت افسرهه
شعور غريب اتسلل لداخلي ،

شويه وراحو كلهم اني بقيت شلت كم غرض وعزلت البيت ورحت الغرفتي اول ماحطيت راسي على المخده راودتني احاسيس غريبه
من تذكرت محمد لا ارادياً ابتسمت بس سرعان ما خطفت تصرفاته القديمه وي اختي بالي ضجت منه ومن شكله ،،

طردت الأفكار من راسي وانطيت الأعيوني السبات ،،،،،،الصبح كالعاده كعدت بدلت وطلعنه اني ومؤتمن لبسمله اخذناها بطريقه وصلنه للمدرسه وراح دخلت للدرس وبسمله اجت وراي بس وضعها غريب تصفن وبس تبتسم ،،

كلت الهه :- شبيج بس لا اثر بيج الرياضيات ؟؟

كالت :- هواي اثر بيه وبعقلي هم ،،

رفعت حاجبي مستغربه امرهه مو طبيعي
ومبينه صنفتهه مو خاليه ؟

..
بسمله

طول الوقت ماخذ فكري واحس عن قريب ياخذ حتى كلبي بحيث بس اتصفنن وارردد بكلبي سيف ،،

اليوم من وصلنه للمدرسه جانت سمارا تمشي سريع بس اني منزله راسي وشابكه اديه وامشي على اقل من مهلي ،،