سمارا اليسار (انبلاج السوسن)

البارت 38 ..الجزء الثاني(الأخيــر _1)

#بـــقـلم
#ايــــزابـيـل
#الجــــزء الثـــاني (1)
#البـــــارت الثـــامن والثــلاثــون
(ســــــمارا اليــــسار)
..
هند

جنت واكفه كبال الدكتوره وبداخلي خوف
جبير حيل يارب اطلع حامل جنت ادعي
بلكي اجيب طفل وافرح كلبي وكلب الياس
وانطتني التحاليل وكالت اكو حمل ..

ماصدكت من الفرحه دمعت عيوني طلعت اركض الـ ألياس الي جان كاعد بالسياره ..

فتحت الباب وكعدت من الفرحه ماكدرت اعبر
حضنته واني اضحك وفرحانه ..

كتله :- الياس اني حامل ،،

فتح عيونه مصدوم وضحك كال
:- صدك وين التحاليل داشوفهه ،

انطيتهه اله وشافهه رجعنه للبيت
احس الحياه صار الهه طعم حسيت نفسي اسعد انسانه بهالكون وربي عوضني بعد الألم
الي شفته ..

بليل تقريباً ب1 الياس جان جوا يشتغل على الاب توب بدلت ملابسي بتراك ورفعت شعري ذيل حصان عالي ونزلت ..

جان كاعد على التخم كعدت بصفه
وكلت :- تأخر الوقت موزين عليك تبقى لهل ساعه تشتغل ..

ابتسملي وكال :- بس كم شغله اخلصهه واصعد .

هند :- احم الياس باجر راح اعزم اهلي ..

عقد حواجبه وكال :- عزميهم بس بمناسبه شنو ..

هند :- يعني بمناسبه حملي وهيج ..

دنك راسه على كيبورد الحاسوب وكال
:- تمام سوي الي يعجبج ..

هند :- انت باجر موجود

الياس :- باجر اتأخر بليل ارجع ..

هند :- لا عفيه تعال من وكت

ابتسم بستهزاء :- علمود اهلج

رفعت حاجبي وكلت :- وشبيهم اهلي ..

سد الاب توب باوعلي وكال :- مابيهم يله اني راح اصعد انام تعالي ..

مدلي ايده خليت ايدي بأيده وصعدت ويا
ثانيي يوم كعدت الصبح خابرت اهلي وعزمتهم

ورجعت خابرت الياس :- الياس تكدر يعني تخابر العامله تجي تساعدني لان مالحك اشتغل كلشي وحدي ..

الياس :- تمام محتاجه شيء ثاني

هند :- لا سلامتك بس تعال من وقت ..

الياس :- ماشي

سديت الموبايل منه وبديت اشتغل
مسحت اثاث الاستقبال والصاله وصعدت لغرفتنه عزلتهه وانتضرت العامله تجي
واجت دخلنه اني وياها للمطبخ وبدينه نطبخ

لل2 خلصت كل الشغل تشكرت العامله وحطيتلهه من الاكل اخذت وياهه وصعدت
الغرفتي لبست فستان يصير لونه بيجي
وبي تطريز اسود كلش حلو وشعري سويته
ضفيره هنديه وخليت مكياج خفيف ..