سمارا اليسار (انبلاج السوسن)

البــارت الســادس عشـر

#بــقلم
#ايـــزبـيـل
#البــارت السـادس عشـر
(ســمارا اليـسـار)
..
دردميتَك ونهَ ونهَ ،
بگد دفـو حچاَياتنهَ الـ هانَت عَليك🖤
..
بسمله

واكفه مصدومه والدمعه بعيني احس الدم تجمد بجسمي كاله ابوي :- مؤتمن شتحجي ،،

باوعلي وانتقل بنضره الأبوي كله :- عمي لاتنطي بسمله لذوله الناس ،،

:- ليش شنو اليمنع !!

بلع ريكه وكال :- اا همه مو خوش ناس خاصا ابنهم الي جاي يخطب ،،

:- انت تعرفه ؟؟

:- يي يي اعرفه مو خوش ويدور مشاكل ويوميه عركه وسمعته مو زينه ،،

هز راسه ابوي وكله :- راح اكول الهم انرد الجواب الكم بعدين ونتناقش بهل موضوع ..

طلع بابا من المطبخ وراح للستقبال تقرب عليه وعيونه جمر جرني من ايدي وكال بغيض :- فهميني البراسج شنوو دماغ لو مطي عبالج اخليج تلعبين براحتج وتتزوجين ذاك الكلب حلم والله مادامني عدل واشتم الهوى متبتعدين عن نضري ثانيه وحده ..

جريت ايدي وكلت :- لك انت منو وتدخل بيه هيج وتفرض سيطرتك ياسر راح اوافق علي واتزوجه هم وانت موت بقهرك ،،

اجت امي لزمت مؤتمن من كتفه وكالت :- خاله شبيك عوفهه هو الولد رايدهه وتكول خوش ولد ليش نوكف قسمتهه ،،

مؤتمن :- كليلهه لبنتج تحط عقلهه براسهه وتركد لان اذا ضلت تلعب بذيلهه ماتشوف غير شر واني نبهتج ست بسمله والقرار قرارج ..

:- ايي بكيفي وهذا قراريي انيي شعليك انت وتجي تحشر روحك بكلشي راح اتزوجه واروح ويا وانت اكعد باوع وبس اوكي ،،

مؤتمن :- اعدمج والخلقج وماخليج تتزوجينه ،،

امي :- مؤتمن عيب تصرفك هذاا انت شبيك لا تحترمني ولا تحترم عمك شلون تحاجي بسمله هيج اذا ترديهه ليش تزوجت !!

انصدمت من كلام امي شمدريهه هي
كال برتباك :- اا ومنو كال اريدهه ،،

:- تصرفك هذا هو الكال ابني روح لمرتك وعوف بسمله لو تحبهه صدك وتريدهه ماجان فضلت غيرهه عليهه وهي بنت عمك وبنت خالتك ...

نزلت راسي وماحجيت

رجع وجهلي الكلام :- اني رايح بس ثقي بالله لو سمعت بيج موافقه ماتشوفين مني غير الشر وقد اعذرا من انذرا ،،

رفعت حاجبي وماجاوبت ايي ليش لا نشوف لو انت لو اني فتح الباب وطلع باوعت الأمي تباوعلي بشفقه عفتهه ورحت الغرفتي ،،

الغضب تجمع بداخلي بودي احرك البيت على راسه هو وتمساح ايناس ومايبرد كلبي ..

الحقير تزوج وماهتملي وهسه جاي لا تتزوجين ولا تتزوجين خاب دطير والله اله اجمر كلبك مو بس احركه ماطلع بنت ابوي اذا ماوافقت