سمارا اليسار (انبلاج السوسن)

البارت 43

#بـــقــلم
#ايـــزابــيــل
#الجـــزء الثــالــث
#البـــارت الثـــالث والاربعـــون
#ســـمارا اليـــســار (انبـــلاج الســوسن )
..
بچه كبآلي وحچآها بـ وجهي وارتآحيت ..
وحضنته وركض گلبي يبشر الريه
ورجعت آتنفس بـ كُل حيلي من أشتآك
وبديت آعرف شنو الأحلآمه ورديه !♥️
..
هند

جان كلام الياس صاعقه وكعت على راسي اهلي وبيتهم محترك طفرت من مكاني وصرخت :- صخام بعيني شبيهم شصار وينهم .

تقرب ليمي وكف كبالي لزمي اديه الاثنين
وكال :- لاتخافين مابيهم شيء ولا احد متأذي لان الجيران مطفينهم بس البيت صاير رماد ..

ماكدرت اضل واكفه وكعت على الكرسي ..
وبجيت بكل قهر وخوف صحيح كلام الياس لو ديجذب عليه حتى مايخوفني لحضات وحسيت بأدي تحتضن راسي ..

:- لاتبجين هند وداعتج مابيهم شيء واذا تردين اخابرهم الج ..

هزيت راسي ب اي وكلت بطريقه سريعه
:- يي يي عفيه الياس خابرهم ..

طلع موبايلى وخابر على بابا انطاني الموبايل وحجيت وياهم كال مابينه شيء بس كاعدين حاليا يم الجيران لان بيتهم ميندخل ..

سديت الخط منه ولتفتت الألياس
:- خلي اروح اشوفهم عفيه ..

بدلت واخذني الياس الهم دكينه باب الجيران وفتح النه ابنهم دخلنه لجوه جانو كاعدين بالستقبال ..

مرت اخوي واخوي وامي وابوي واستبرق ..
ركضت البابا حضنته واطمنت عليهم ..

استبرق ركضت اليه حضنتني وبجت وجهه جان بي صخام والصايه مالتهه محتركه اطرافهه ..

كعدت بصفهه على التخم

هند :- عدت سلامات نشاءلله لا تهتمون للبيت اهم شيء ماحد اتأذه بيكم ..

بابا :- لا الحمدالله بس المشكله وين اروح اني واخوج ومرته والبقيه والبيت اقل شيء شهر شهرين تصليحات ..

نتبهت الألياس يلعب بالسويج ويحجي
:- ولو عمي اعتبر من باجر يمك مفتاح بيت طابقين واخر موديل ..

بابا :- لا تسلم الياس متقصر اني ماكدر اعوف بيتي وابدله كم تصليح ويرجع جديد بس تعرف اقاربنه بغير محافضات وكلهم على كد حالهم لذلك اني واستبرق وعمتك راح نشوف فندق لو نأجر شقه نكعد بيهه وعلي يكعد يم اهل مرته بس هالفتره هاي ..

هند :- بابا شسالفه تعالو يمنه ..

الياس :- صح كلام هند تعالو يمنه ..

امي :- مانريد نضايقكم ونثكل عليكم شعدنه هو احنه تلث نفرات ..

هند :- ماما شلون استبرق تكعد بفندق اكيد ماراح تاخذ راحتهه ..

امي :- لعد شنسوي يابنتي

هند :- استبرق تجي وياي

امي :- مادري شوفيهه اذا تقبل اخذيهه وياج ..بكيفهه