سمارا اليسار (انبلاج السوسن)

البارت 25 ..الجزء الثاني

#بـــقلم
#ايــزابــيـل
#الجــزء الــثانــــي
#البـــارت الخــــامس والعــشرين
(ســــمارا اليـــسـار)
(بارت بكرا 😍)
..
أصعــد بـــطولــك حمـــامه وأكعـــد
بفيـــــــك حَزيـــن ...❤ :|
..
بـــــسـمله

جنت واكفه اسمع الحديثهه المُهين الي وساكته ماعندي طاقه ارادد واصيح ..

جاوبتهه اختي :- شبيج انتِ مخبله داخله لنص بيتنه وتهددين مشتهيه رزاله لازم ..

:- الرزاله وكليهه الأختج الماتستحي بكل عين صلفه تاخذ رجال من حضن مرته ..

ضحكت بستهزاء وجاوبت :- تاخذ الرجال ههههه شبيج بابا اخاف صابج زهامير خلي يكون بعلمج اذا متعرفين مؤتمن اول انسانه حبهه هي بسمله وانت الي أجيتي واخذتي بكل سهوله ..

ايناس :- انت منو دايس على ذيلج اني داحاجي هاي بسمله سؤال شلون الج نفسيه تتزوجين شخص متزوج وشلون تكدرين تباوعين بعين مرته عيبب عليييج والله ..

كلامهه حقيقه اني صرت ثانيه بعد ماجنت الأولى صح المفروض مارويهه وجهي من الفشل لان تبقى زوجته بس هسه اني الي صرت طرف ثالث نزلت دمعتي على خدي
مسحتهه بأردان تيشيرتي ..

مريم :- بسمله لاتبجين خلي تولي هاي جايه تاخذنه بلسانهه مؤتمن مادري شجان يحس من راح تزوج هيج شكول ..

ايناس :- انجبي لج لاتخليني اجي اكطعج انت واختج ادبسززيات والله يابسمله اذا مانهيتي
كلشي من يمج بوقتهه ماتتصورين شسوي ..

مريم:- هههههه تكطعينه حقج عمي دينصور مور مره تخلين بسمله جوا ايدج دمشي منا يله عايزنه شكولات زفره مثلج لاتخليني اخابر مؤتمن للدوام هسه واكله على تصرفج الهمجي وعود ذاك الوقت تعالي وهددي ..

ايناس :- تهدديني بمؤتمن لاتلعبين وياي ترا تندمين ..ترا بأاشااره مني اخلي كلكم يضربكم ميت جلاق

:- هههه اهووو شلون بهاي البوخه ايي دروحي يله حاجي وخلي يجي يضربنه ميت جلاق شوف شتسوين سحر اسود ابيض لان هو بالواقع معترف بركعه منج ..

ايناس :- شمعرفج بالسحر لازم جنتي تشتغلين بي ..

مريم :- يي حبيبتي زوجي ميريدني واني لازكتله عاد شسوي ماكدر اركد بدون رجال رحت سويتله سحر سطره سطر واذا تردين اعلمج بس حطيله جوزتين بالجاي يجي يضربنه ميت جلاق ..

حمحمت وكالت :- ها يعني صدك والجوز احطه عادي لو اطحنه ..

مريم :- هههههههه استغفرالله اكتبي باليوتيوب افضل طريقه لطحن الجوز وتطلعلج قناه اسمهه (ام عباس وبس ) للجلاليق ..

ايناس :- دنجبي تردين تضحكين عليه مو بسيطه اني الجن ..

اجت تريد تضربني  بس نفتح الباب ودخلت امي ذبت المسوك وركضت جرتني وضلت تصيح بوجهه وتغلط عليهه لحد ماطلعت ..