سمارا اليسار (انبلاج السوسن)

الواحـــد والعشـريـن

#بــقلم
#ايــزابـيـل
#البــارت الواحـــد والعشـرين
(والاخير )
(سـمــــارا اليــسـار)
..
#فگيــنه العــــمر ..شــبـآچ
بــلكــي الله وتــمّـر نـــسمهَ .
..
هند

كام يركض متخبل يروح منا ويجي منا
من فراشه للشارع اني بقيت اروح وارجع ..
والخوف والقلق مستحوذني ياربي دخيلك ..
ولا خليت فرحته تكمل ..

مسحت وجهي بحزن نزلت دمعتي لهبت بخدي .. تقريبا ساعه وسمعت الباب يندك ..

ركضت بلهفه فتحته صار بوجهي الياس ..
اباوعله نص وجهه مصخم وريحه حرك ماليه ملابسه دخل للبيت ذب نفس بالكاع دنك راسه وضم وجهه بأادي ..

رحت كعدت يمه ولزمته من كتفه همست
:- الله يعوضك حبيبي لاتهتم ..

رفع وجهه وباوعلي كال بتعب :- منين ماسدهه تنفتك ...

بلعت ريكي بقهر :- شلون احترك ؟!

جر نفس ورجع ضهره للحايط ضرب على رجله وحجه بقهر :- صندوك الكهرباء الي بالمحل محترك وجان اكو بانزين ..

حجيت براحه واحاول اهدي رغم جبال مهدمه بداخلي :- كول الحمدالله ونشالله الله يعوضنه بدل المحلين اربعه كلشي يصير خير رغم تشوفه شر الك بس خير لمستقبلك ..

باوعلي وابتسم بقهر :- نشالله ،

كام وأشرلي اكوم سبقني للغرفه وحجه
:- حضريلي الحمام ..

رحت طلعت اله ملابس هو اصلا ماعنده غير تراكين اغسل واحد واخلي الثاني يلبسه
وكم قميص واغلبيتهم قماشهم تعبان ومتعقج..

خليت اله ملابس بالحمام وطلعت للغرفه اعزل
كم شغله كمل وطلع وكف على ميز المرايه يمشط بشعره وصافن نتبهت اكو شيب غازي كم خصله بشعره رحت وكفت ورا وكلت :- اشو ندارلي ..

لتفتلي :- ها ،،

رفعت رجليه حتى اوصل لشعره لزمت الخصله الي مندمجه بالون الأبيض مايل للرمادي ..
:- شيبه بشعرك ،،

كال بسخريه :- لا يالحمزه ندثر شبابي ،،
:- هههههه ندثر شبابك هو انت منيلك شباب اصلا اذا امشي وياك عبالهم ابوي ..

رفع حاجبه وجاوبني :- ااا ولج غير من اطلع يابنيه تصير كبالي تعثر وتوكع حتى اني استغربت اسألهم يكولون جمالك يكهرب ويعثر ..

كتفت اديه :- يابنات وشوكت هاي ليش ماحاجيلي يي حقك مكيف على هل وضعيه ..

حضني وكال :- يابنات بابا شبيج ياهو تكلب واحد مثلي يروح للكهوه بجيبه ربع هسه كله يدورن ابو الجكساره وجماعتهه ..

دخلت ايدي داخل خصلات شعري وضليت
احرك ايدي اشبه بحركه المشط :- هنيالهه العيون الي تكابلك اله عميه الماتشوفك اصلا اني من شفت جمالك كلت لو عنده كهف اتزوجه .