سمارا اليسار (انبلاج السوسن)

الاخير

#بــقـلم
#ايـــزابــيـل
#الجـــزء الثـــالث
#البــــارت الخمـــسـون
#سمـــارا اليـــسار (انبلاج السوسن) 
..
سمارا

سديت الموبايل وتنفست براحه رحت الرامي
اول ماكعدت يمه ابتسم لزم ايدي وكال ..

رامي :- سمارا تدرين جنت مستعد ادفع نص عمري في سبيل هاي الحضه ..

سمارا :- هلكد تحبني ؟

رامي :- مو بس احبج وانما احترمج وبنظري انتِ اجمل واحسن وأعف أمراءه قابلتهه بحياتي ..

نزلت راسي وتنهدت ..

كال بستغراب :-متضايقه من شيء ؟!

رفعت راسي وابتسمت وكتله لا طول كعدتي يمه حاولت ابينله اني مابيه شيء وكلشي طبيعي ..

شويه وراح واني رجعت لغرفتي وعفت البنات يحتفلن برا لان تعبت بدلت ملابسي وسبحت ..

لليل خابرني رامي وضلنه نحجي ل3 رغم
جنت تعبانه ونعسانه بس جنت اسمع الكلامه
بكل هدوء جان يحجيلي عن نفسه وعن حياته الشخصيه وهيج شيء .. واني هم حجيتله عني ..

المهم غلقت الموبايل ونمت طبعاً رامي كال ماكو داعي تطول الخطوبه خلي العرس على الشهر الجاي واني مارفضت ..

كل يوم يخابرني وبين يوم ويوم يجي يمي ..جان دائما من يجي يجيبلي ويا ورده
ونفسها الي يحبهه ورده السوسن

مره كال :- انتِ مثل ورده السوسن رغم جمالج وعطرج الي يفوح بس من اصغر جرح او كلمه
تذبلين ..وماتتفرعين وتزهين غير بأاحضان الاهتمام ..

من كلامه وتصرفاته خلاني دائما اميل اله واحترمه من عرفت شخصيته وطريقه كلامه وياي المليانه احترام .. كلامه رزن وتصرفاته تدل على ثكله ..

دائما اذا صارت وياي مشكله حتى لو صغيره جنت التجئ اله واحجيله عرفت الحب احترام وحبي الرامي اجه من احترامي اله لان هو يبادلني نفس الشيء ..

اليوم جنت واكفه كبال الكنتور اختار شيء البسه لان رامي كلي جاي اخذج علمود نطلع ...

بدلت سويتر كريمي وبي كتابه سوده وبنطرون اسود وشال كريمي حذاء سبورت ومكياج خفيف .

رشيت العطر وشلت جوان لان راح اخذها وياي طبعا صار اكثر من مره اخذها وياي هو ميعارض .

طلعت من غرفتي صارت بوجهي امي كالت
:- سمارا عوفي جوان هنا ..

سمارا :- ليش ؟

امي :- ماما يعني الرجال جاي ياخذج حتى اطلعون لوحدكم ماخذه جوان شكو اكيد هو راح يتضايق بس مايكلج ..

سمارا :- لا عادي ميعترض

اجت جرتهه من ايدي وكال
:- شو دجيبي متجين بالعيني واغاتي عوفيهه يمي هسه اوكلهه ونلعب اني وياها وبعدين انومها .