سمارا اليسار (انبلاج السوسن)

البـارت الـحادي عـشر

#بــقلم
#ايـزابـيـل
#البــارت الحـادي عشـر
(سـمارا اليــــسار)
..
#يــــــريـتـ گــــلادة و بــزيجــك
ــمــن تتـــحرك اتمرجـــحـ ..
..
بسمله

فركت عيوني بنعاس وكعدت مطيت جسمي
باوعت على الساعه ب6:30 زين بعد وكت اول

محاضره عندي ب 7 ونص رحت للحمام سبحت بمي دافي احس انتعشت بدلت

وطلعت للغرفه مشطت شعري ضفيره صفح باوعت للكلاده الي بركبتي ابتسمت وضميتهه جوا القميص

وطلعت بره مؤتمن نايم على القنفه رحت اكعده وكفت ورا ايد التخم وصحت :- مؤتمن ..اكعد مو عندك دوام ؟

اكتشفت انو مؤتمن نومه خفيف حيل بحيث بسرعه كعد شال الغطه عنه وفرك وجهه نزل رجليه للكاع رفع راسه باوعلي وكال :- صباح الخير ..

ابتسمت وجاوبت :- صباح النور ،،

:- شعجب كاعده من وكت لا وكعدتيني ..

:- هههه اي ..يله اسوي ريوك ،،

كام وتقرب وكف كبالي :- اووو شهل نشاط ..

لتفتت انطيته ضهري واتجهت للمطبخ :- ترا مو علمودك بس اني جوعانه ..

سمعته راح للحمام واني وكفت على الطباخ خدرت جاي وطلعت الجبن وباقي الحبشكلات ..

كعدت على الطاوله وبديت اكل شفت مؤتمن دخل للمطبخ باوعلي ضربني على راسي بخفه وكال :- شنو هالحترامات الزايده غير تنتضريني اجي ..

رفعت اكتافي وكلت :- شنتضرك غير صارلك ساعه وشويه بالحمام  ..

:- وأن يكن ،،

كعد مقابيلي كملنه اكل ومؤتمن راح يبدل ..
اني كمت شلت وجريت التوربات وكفت على المرايه الي بالصاله لبسته على السريع وكفت انتضره ..

شويه واجه جان يمشي ويعدل بقميص الزي مالته باوعتله وكلت :- كُلش حلو الزي اول مره انتبهله ..

غمزلي وكال :- القالب غالب ،

:- شعليك عمي واثق هههههه ..

لزمني من ايدي وكال :- لج ضحكه هاي لو فضيحه ..

باوعت بطرف عين :- عادي منو يسمع هي الناس نايمه هسه ..

:- يي كلمن يرا الناس بعين طبعه شايفه نفسج تبقين للضهر نايمه عبالج كلهه مثلج ..

رفعت حاجبي بضوجه جريت ايدي منه ومشيت كدامه طلعت برا ووكفت على الدرجه
الأخيره قفل الباب ونزل سبقته للسياره ..

وكفت يم الباب فتحليا وصعدت ..فر السويج وكال :- شبيج كلبتي خلقتج ..

:- هيج ،،

رفع حاجبه وكال :- بس لا لان كتلج تبقين للضهر نايمه ..

ماجاوبته صفن عليه وطكهه ضحكه من قوتهه ضل يكح كال :- من كل عقلج ؟؟