سمارا اليسار (انبلاج السوسن)

البــارت الثـاني عشـر

#بــقلم
#ايــزابـيـل
#البــارت الثـاني عشـر
(سمـــارا اليــسار)
(بارت طويل استمتعوا)
..
البحر من يعشگ سفينة ،
يغار من تحضن جرف
..
سمارا

احس كلبي وكع بين رجليه نهبطت كلت بصدمه :- شنوو ؟؟

:- خطب حبيبتي ،،

بلعت ريكي بقهر مدري ليش احس عاصفه اجتاحت بداخلي رعد خرق كلبي شنو مصدره وليش جنت جاهله لهل شيء ؟

حركت شفايفي بهدوء ونطقت بهمس :- منو خطب !!

:- ريما ،،

هزيت راسي بأسى ومشيت من يمها ذبيت كتبي على الستول وطلعت من القاعه بدت الطلاب تتوافد واحس ختنكت طلعت للحديقه
ضليت اتمشى وحابسه انفاسي بصعوبه ،،

حسيت بشيء  لامس خدي رفعت ايدي ونزلتهه على وجناتي دمعه !! فركت وجهه بسرعه هاي شداسوي اني شنو هالخرابيط
وليش هالدمعه ،،

سمعت صوت يصيحني :- سمارااا ،،

لتفتت شفتها هند ركضت بتجاهي وحضنتني
بادلتهه بشوق وطبعت على خدها بوسه ،،

كلت :- شلونج عمري ،،

هند :- مشتاقتلج والله دخلت للقاعه ادور عليج عبالي الكاج هنا ،

سمارا :- اختنكت شويه وطلعت اشم هوى ،،

عقدت حواجبهه مستغربه وردت :- بيج شيء ؟؟

هزيت راسي نافيه سؤالهه :- لا مابيه شيء بس ضاق صدري ،

هند :- تمام تعالي ندخل للقاعه ،،

خليت ايدي بأيدهه ورحنه للقاعه كعدنه اني وياها ضلينه نسولف وهي كالت انو جوارينهم ناويي يرجع يتقدملهه ،،

سمعت صوت رأفت يدخل للقاعه رفعت راسي هو اليوم مااجه بل خط لا هو ولا هند لذلك مشفتهم بل بدايه ،،

ميلت راسي من جهته الثاني شفت يسار يدخل ويا تجمعوا الطلاب يسلمون عليهم اختفو من الانضار ،،

عدلت كعدتي وحمحمت تقربوا يمنه وبده السلام والكلام ،،

رأفت :- شلونج سمارا البذاته ، لاتسألين لاتبينين ،،

ابتسمت مجامله وكلت :- الحمدالله بخير شلون اسأل غير عطله 15 يوم ..

كال يسار :- يول موجود اختراع اسم موبايل تتصلين بي لو من لكه احبابو نسه اصحابو ،،

رفعت عيني وباوعت علي :- صحيح نسيت اباركلك ،،

عقد حواجبه مستغرب :- على شنو اشو نتائج وبعد ممنطين ؟؟

سمارا :- لا على الخطبه ،،

نطق رأفت بضحكه :- خطبه !! هاي شوكت بس لا خاطب وماكايلي ؟؟

فتح عيونه بصدمه :- يولو خطبتيش هاي منو كلج ؟؟

رأفت :- اكول ، منو كلج ؟؟