سمارا اليسار (انبلاج السوسن)

البــارت التـاســع عشـر

#بــقلم
#ايــزابـيل
#البـارت التـاسع عشـر
(سـمـارا اليــسار)
..
الفشلهَ من تطفهّ الجگِاره
وبعَده گلبّك  محتِركَ ..
من تشوف الهوّى يدفعكَ
وأنت بعدك مختنكَ !
..
سمارا

انتبهت عليه صافنه كالت :- ترا دزوني عليج روحي رتبي نفسج بسرعه وتعالي ،،

هزيت راسي ب اي وبداخلي فرحه عميقه
ركضت للغرفه لبست فستان مشمشي وبي ورد ناعم اسود ورفعت شعري ذيل حصان وطلعت
للأستقبال دكيت الباب ودخلت صارت بوجهي ثنين نسوان كبار وكاعده بصفهه بنيه شابه ..

سلمت وكعدت المره بدت تحجي الأمي وتكول الهه انو يسار شايفني بالكليه وعاجبته ومن هذا الكلام امي كالت الهه نستشير ابوها ونردلكم الجواب ،،

سلمت وطلعت المرا طلعت روان تسد الباب وراهم التفت الي امي كالت :- تعرفي الولد ؟!

جاوبتهه بتلعثم :- يي هو يعني موجود ويانه بالقاعه ،،

:- يعني موافقه لو لا ؟!

:- اا رئيي من رئييكم ،،

كالت :- يجي ابوج وناخذ رئييه مبينين خوش ناس ،،

مر اليوم وجنت منتضره امي تحجي الأبوي بس ماحجتله !! ثاني يوم عزمني بيت عمو ابو محمد على مود جدو بابا كال مشتاقله وهاي ،،

بيومها جنت بالمطبخ واكفه يم ايناس بالمطبخ تسوي جاي المؤتمن ،، واني كاعده على الكرسي اكلب بالموبايل دخلت روان وكالت

:- سمارا امج حاجت ابوج وجدج علمود الناس الي تقدمولج ،،

جاوبتهه بلهفه :- ايي وشكالوا ؟!

:- بعد يردون يسألون على الناس يله يردون جواب ،،

ابتسمت بفرح انتبهت الموبايل دك رن بأايدي
باوعت على الرقم وضحكت سحبت نفسي من المطبخ وطلعت الغرفتي قفلت الباب وجاوبت..

:- الوو ..

:- شلونو الحب ،،

:- الحمدالله بخير انت شخبارك ؟!

:- بخير دامج بخير ..اكلج صار يومين من اجتكم امي ادري تعقدون مؤتمر لو شنو الفلم

:- هههه لا بس جدو ميقبل نرد الجواب الى يسئلون عليك ،،

:- اها عجل من هسه اخابر شكو اقارب وصديقك اكله صفحتي بيضهه يرحم موتاك ..

كلت بستغراب :- ليش صفحته شبيهه حتى يبيضها ،،

:- مابيها بس للأحتياط ،،

:- يسار اسألك سؤال !!

:-جواب ،،

:- ليش بالذات اني اختاريتني وشمعنه اني من دون بنات القسم حبيتني ،،

:- ليش الكلب من يحب هو يختار منو الي يسلطنه على كلبو لج ابويه انت تختلفين عن بنات الكره الأرضيه كلهه مو بس القسم ،،