سمارا اليسار (انبلاج السوسن)

البارت 28..الجــــزء الثـانـي

#بـــقـلم
#ايــزابـيـل
#البــــارت الثـــامن والعـشـريـن
#الجـــــزء الثــاني
(ســــمارا اليـــسـار)
..
‏لا أستطيع تصور كيف تسير أيامك من دوني، آخر يوم لي معك لا يزال عندي ، في عقلي، يكرر نفسه ، يجدول نفسه ، ينسخ نفسه كل يوم ..

..
هند

مثل العاصفه احسهه اجتاحت كلبي بشوفته
عيونه المشتاقتلهه صارت بعيوني مثل السهم الي اخترقني كلي ..

حرت شسوي وين اروح وهو واكف يباوعلي ..
احس الكون والزمن توقفوا طلعت من صفنتي على صوت امي :- هند امشي لتباوعين علي ..

بلعت ريكي من شفته بعد نضره وراح السيارتهه حركهه وطلع بودي ابجي واصرخ
حتى الي ماخذي للعدام مو مثلي ..

مادري شلون مشيت وياهم وتفكيري وكلشي بيه ضل يمه وبعيونه ..

امي لزمتني من ايدي ومشتني همستلي
:- موكتلج لا تباوعين علي هااا ؟!! غرتج المضاهر مو تلكينه ماخذ سياره صديقه وجاي بيهه لاتفكرين بي انتو كلشي انتهه بينكم ..

هي وين تحجي واني وين احجي تكلي مضاهر وسياره واني كلبي تاهه بي بطوله وعيونه ..

غمضت عيوني بهدوء ياربي داموت والله داموت صرت اشتهي قربه بعد ماجنت لحضه وحده مابتعد عنه ..

امي تجر بيه مثل الخروف وراهه وتكلي اشتري هذا واشتري هذا واني بس صافنه اتمنى الموقف ينعاد ولو بس ثانيه وحده ..

رجعنه للبيت واني عيني على الشارع ..كعدت بالهول جانوا كلهم ملتمين ..

كالت امي لأبوي :- احزر اليوم شفت منو ؟!

عقد حواجبه وكال :- منو ،،

لوت اشفايفهه بضيق :- الياس ومدري منين جايبله سياره وملابس يسون راسه جاي يستعرض بيهه ..

سحب نفس ابوي وزفره :- زين واذا اكلج شغله اصدمج بيهه ..

:- شنوو ؟

:- حاليا الياس عنده من اهم معارض السيارات والأثاث وهذا بيتج وفلوس عنده ميسون شيء ..

رفعت راسي مصدومه وامي عيونها نطت ضحكت بستهزاء وكالت :- تحجي صدك ؟! ومنيله معرض هذا الفكر وبعدين انت شمدريك ؟!

:- بالصدفه اجتني معلومات عنه ومن ضمنهن شغله ومكانه والخ

رفعت حاجبهه :- الله ينطي بس يبطي ..

بللت شفايفي بخذلان وصعدت الغرفتي دخيلك ياربي ليش هيج كل هل عذاب يعني بعد مااطلكنه الله فتحهه بوجهه يمكن اني جنت فاكرته ..

..
بسمله

نزلت رجليه من الفراش وتوجهت للشباك باوعت للحديقه شفته كاعد على المرجوحه ويشرب جكاره زفرت نفس وتذكرت قبل شويه
الموقف الصار من دفعته حسيته ضاج حيل بحيث كام مني حتى بدون مايلتفت بوجهي .