سمارا اليسار (انبلاج السوسن)

البارت 32...الجــزء الثـــاني

#بـــقـلم
#ايـزابــــيـل
#الجـــــزء الـــــثاني
#البــــارت الثــاني والثلاثـــون
(ســـمـارا اليــــسار)

صــباح الخيـــــر ❤
..
‏هل يمكنك البقاء بجانبي حتى في ذبول روحي وبهتان شعوري حتى عندما اصبح شخصاً بارداً لا مُبالي عندما تظن اني لا احبك وانا فقط متعب من الداخل هل يُمكنك.
..
سمارا

فتحت عيوني مصدومه وكلت
:- شنوو منو كال ؟!!

يسار :- رأفت كال لازم نطلع بأاسرع وقت ،

بلعت ريكي وكلت :- ها زين شلون ويمتى ؟!

يسار :- لاتخافين باجر الصبح نطلع ،،

فركت ايدي بخوف احس كلبي راح يطلع من مكانه وضليت الهث واتنفس بقوه كعدت على القنفه واديه على ركبتي احاول اجر النفس ..

سمارا :- يسار لاتعوفني مهما صار لاتعوفني وحدي وتخذلني ،،

يسار :- شلون اعوفج وانت ورحي لاتخافين نشالله كل خوف راح ينتهي بأاقرب وقت احنه طالعين منا ..

خليت اديه على عيوني وبجيت بكل حركه ..
داخلي يغلي يربي حرت والله حرت يسار روحي وراحتي اهلي هم سعادتي وحزني ..
شسوي والمن التجئ ..

مر هذا اليوم مثل السم كوه نجرع ..مادري شلون مر الوقت والدقائق بكل هل خوف هذا
بحيث للمطبخ صرت اتوتر من اضل وحدي ..

خابر رأفت وكال باجر انتوا طلعوا واني اخذكم المكان امن ..

بليل تقريبا بـ3 جنت مغمضه عيوني ومتمدده اجذب على نفسي واسوي روحي نايمه ..وبالحقيقه ملح بعيوني ..

شفت يسار يطلع من الحمام نشف شعره ولبس ملابسه باوعلي وكال :- يله كومي بدلي وطلعي الجنط حتى نروح ..

زفرت نفس بتعب وهزيت راسي كمت للحمام سبحت ولبست ونشفت شعري لان جان الجو شويه بارد ..

طلعت الجنطه وبديت اسفط الملابس بالجنطه ..حسيت على يسار يصير وراي مباشراً فرك كتفي وابتسملي :- ليش وجهج اصفر ؟!

:- موكتلج اعتبري الموضوع عادي ولا تهتمين احنه عن قريب راح نطلع ونترك شكو ذكره سيئه بالعراق ..

هزيت راسي بـ اي طلعت الجنط للصاله وخليتهن يم الباب ..

يسار كال :- هسه الساعه ٣ ونص راح انام بس تصير بـ 4 كعديني حتى لا نتأخر ..

سمارا :- لاتنام وتعوفني اخاف ،،

يسار :- ههههه هدي يول كلشي ماكو بس قوي نفسج عذبتيني والله .

راح دخل للغرفه نام واني بقيت كاعده بالصاله بس ادعي الله يمشيهه على خير ..

ماجنت اعرف ان كان حلم او حقيقه بس فجئ الباب ندك بكل قوه بحيث رادت تتهدم العواميد .