سمارا اليسار (انبلاج السوسن)

البارت 23 ...الجزء الثــاني

#بــقلم
#ايـــزابــيـل
#الجــــزء الثــــاني
#البـارت الثـالث والعشــرين
(ســـمارا اليـــسار)
..
شخصان يعيشان بداخلي، أحدهما يريد النجاة عن طريق الانتحار، والآخر أنعزل عن العالم الخارجي، يبحث عن عالمٍ يشبهُ غرابتهُ على حافة الهاوية "
..
هـــنـد

فركت وجهي وكلت

لهه :- يمه لا كلشي يصير تخلي براس الياس ..

:- يي هو السبب هو سبب موت بنتج ولج مو هوه الي ماخذهه للمستشفى لولا هل راحت البنيه من ايدج وبعد الحبل عل جرار ..

بلعت ريكي ونزلت راسي تعبت حيل تعبت
من الوم منا بنتي كاسره ضهري منا حالتنه
الي جاي تدهور يوم بعد يوم وامي امي الي كرهتني بعيشتي ..

كمت من الكاع عدلت شالي الأسود
وكلت :- اني راح اروح ..

:- وين بعد وكت  ..

:- تعبتيني يمه ترا اني بشر والله فوك قهري على بنتي تجين تزيديهه انت ..

استبرق اختي جانت عينهه بالموبايل
من كلت هيج باوعت عليه ونترت :- ترا كلام ماما صدك زوجج لو عنده فلوس جان جاب علاج البنته وداهه للمستشفى من وكع الفاس بالراس يله وبعدين شبيج تحاجين امي هيج هي غير تريد مصلحتج ..

بللت شفايفي بنفاذ صبر احس نفسي راح اطك
:- يي صح هسه كلكم صرتوا ادورون مصلحتي واني الغلطانه حشاكم ..

هزت ايدهه ورجعت دنكت لبست صايتي ودعتهم وطلعت مانتضرت الياس يجيني
لان ماتحملت ابقى كاعده الخنكه سيطرت
عليه بحيث امشي بل شارع ودموعي يهلن
مدنكه راسي للكاع وعيوني تذرف ..

سمعت صوت شخطه سياره قريبه عليه
وباب ينفتح جان الشارع هادء وساكن محد
بي خفت حيل ورجعت كم خطوه ليوره ..
واحد جان ضخم حيل وجهه مخيف ومقزز
لزمني من ايدي وعتني نخلعت اله شويه ..

دخلوني الداخل السيارت اجيت اصرخ
بس كتم انفاسي بكلنسه حطهه على خشمي
ضليت ارافس برجليه وعيوني تنغلق وتنفتح
لحد ما غفت مواجعي وسكن داخلي ..
..
الـيـاس

حرت وين اروح وشسوي عد منو ادور
اسأل ياهو شكول مرتي ماكو ؟!! زين منو
يصدك نخطفت ،،

جسمي ضل يرجف ورجليه ماعانتني
شفايفي نكلبن بيض والدمعه نحبست بعيني

دخيلك يامحمد كلشي ولا هند خلي ياخذوني
اني بس يرجعونهه صعد السكر عندي ماكدرت
ابقى واكف على رجليه ..

وكعت للكاع حاير شسوي ماكدر اكوم جسمي
مايعيني بسبب السكر الي فول وكلبي الي يرتجف عليهه ضليت بس اتصفن بزوايه البيت ..

فركت وجهي حيل جريت حسره
فطرت صدري سحبت موبايلي ودكيت على عباس صديقي ماعرف بذيج الحضه شلون تمالكت نفسي وماوكف كلبي ..