سمارا اليسار (انبلاج السوسن)

الســابع عشــر

#بــقلم
#ايــزابــيل
#البــارت الســابع عشــر
(سمــارا اليــسار)
..
- شرد اقارن ..غيرك يشد بالي ماظن
- انت كائن تشبه اخر وردة من نسل الجنائن
..

:- شنو شدتحجين انتِ

:- هههه شوفي سمارا والله اني ممتأكده من هل موضوع بس شخص كلي هيج مادري بعد استفسري بنفسج اذا تحبين ..

بلعت ريكي وكلت :- منو كلج ؟!

:- ههههه لالا عذريني ماكدر اكلج منو على العموم تصبحين على خير ،،

همست بصوت خافت :- اجمعين ،،

سدت الموبايل واني احس الغضب تفور بداخلي شنو متزوج يضحك عليه يعني ؟!
طلعت رقمه وخابرته ..

اجاني صوته :- الوو ها حبي بس لا تحلمتي بيه ؟!

:- يسار صح انت متزوج ؟؟

تقريبا بالثواني ضل صامد بعدين طلعت منه
ضحكه بسيطه وكلام مستغرب :- منو كلج ؟؟

:- صديقتي خابرتني وكالت الي ،،

:- يول من كل عقلج ههههه والله سالفه تضحك لنفرض متزوج شوكت لحكت اتزوج وهلكد اني ناقص غيره واضحك عليج ،

بلعت ريكي وكلت :- بس حبيت اتأكد منك ،،

:- سمارا رجأءا ترا اني ماحب هاي السوالف صديقاتج تشوفيهن هيج ينقلن كلام مالى صحه ابتعدي عنهن يرحم امواتج ،،

هزيت راسي ونطقت بجمود
:- يي هو هيج ،،

سحب نفس وزفره :- يله تصبحين على خير ،،
سد الموبايل بدون مينطيني مجال ارد علي ..

عصرت الموبايل بأايدي شهل ثول شلون سمعت كلامهه اني لالا ترا تصرفي طبيعي بس حبيت اتأكد منه ماكفرت ،،

شمرت الموبايل على الجربايه ونمت ..
ثانيي يوم كعدت الصبح متصل ب الميه مكالمه هاي اكيد واني نايمه ..

كتبت اله رساله
:- صباح الخير اكو شيء ليش داك عليه اني جنت نايمه ؟!

عفت الموبايل ورحت للحمام غسلت ورجعت نتبهت الجهاز يرن ركضت علي اكيد هو ،،

جاوبته فورا :- الووو

:- صباح الخير

ابتسمت وجاوبت :- صباح النور ،،

:- البارحه دكيت عليج مجاوبتي ،،

:- يي لان اخر مره حجيت وياك بيهه قفلت الجهاز ونمت ،، محتاج شيء ؟؟!

كال :- لا بس البارحه حسيتج ضجتي اسف اذا زعلتي من كلامي ،

ابتسمت وهمست :- لا عادي بس اني ماغلطت بس سألتك ..

:- مو طلعوتها من ماعونها ساعه متزوج ساعه خاطب اخر شيء اطلع مطلق ،،

سمارا :- ههههه اخر مره ..