سمارا اليسار (انبلاج السوسن)

البارت41

#بـــقـلم
#ايــــزابــيــل
#الجـــزء الثـــالــث
#البـــــارت الواحد والاربعــــون
#ســـــمارا اليــــسار (انبلاج السـوسن)
..
هذا الشوگ
يشبه عطرچ المضموم يفضحني
ويبچيني ويضل نيشان بثيابي ..

الي مامتابع حسابي خلي يتابعه :-
ayzabil_99

..
بـــسـمله

جاوبت وكلت بصوت ناصي :- الووو ،

اجاني صوته يكول :- نايمه ،،

:- لا توني نومت امير واجيتْ انام بس انت دكيت ،،

مؤتمن :- اذا نعسانه روحي نامي ،،

بسمله :- لا سولفلي شخبارك ..

مؤتمن :- اني الحمدالله بخير انتوا شخباركم
مشتاق الامير ..

تجيت راسي على تاج الجربايه وكلت
:- اوووف امير لو شرشبيل اجيت اموت اليوم من ورا ..

مؤتمن :- ليش شسووا !

حجيتله كلشي انصدم وضل يضحك
مؤتمن :- لك مو طفل هذا بهلعمر وعنده هيج ذكاء ..الحمدالله ماطلع مثلج ..

بسمله :- شنو قصدك ..

مؤتمن :- تردين الصراحه ،،

بسمله :- يي طبعاً

مؤتمن :- الثول عندج كارثي ،،

خصمت عيوني وجاوبته :- وتحجيهه طك بطك لعد اني ثوله ؟! ايي ثوله لان وافقت عليك باليوم الي طلبتني ..

مؤتمن :- كلشي يصير وخليتي ذاك اليوم بالوسط دعوفينه من هالسوالف وافتحي كامره اريد اشوف امير ..

بسمله :- نايم ..

مؤتمن :- يي عادي ..

كمت شغلت الضوه وفتحت كامره خليتهه على امير شافه وكال :- بسمله تدرين كل ماشوف امير احسج انتي كبالي ..

بسمله :- ههه شلون يعني ..

مؤتمن :- يعني امير احلا هديه منج يذكرني بيج وباليوم الي حبيتج بي ..

خليت ايدي جوه راسي وارتجيت عليهه ..
ابتسمت وكلت :- تحبني ..

مؤتمن :- هذا سؤال بالله !! من كثر حبي الج ماكدر اعبر تعجز الكلمات توصف الفرحه الي بكلبي من اشوفج عيونج شعرج طولج كلشي بيج بودي احطه بكلبي واقفل علي ..

ضحكت بهدوء وكلت :- ومن كثر حبك الي خليتني احبك ..

مؤتمن :- يله حياتي تصبحين على خير عندي شغل لازم اكمله .

بسمله :- تمام ديربالك على نفسك ..

سديت الخط منه ونمت ..كعدت الصبح على صوت صياح عالي نفتح باب غرفتي ودخلت امي ..

:- ولج كومي بسمله ،

طفرت من الجربايه وكلت :- شكو يمه ؟

:- عمج بالمستشفى صاعد عنده السكر وحالته خطره .