سمارا اليسار (انبلاج السوسن)

البارت (5)

#بــقلم
#ايــزابيل
#البــارت الخامــس
(ســـمارا اليـــسار)
..
وتأتي أيام تتمنى فيها الموت , فقط لأنك لم تعد تستطيع أن تتحمل شدة مرارتها و قسوتها
..
بسمله

جنت كاعده على الجربايه وكلبي يفور احس براكين تشتعل بي وسمارا صار اكثر من 10
دقايق دزيتهه ولهسه مجايه ..

اثناء كعدتي نفتح الباب صار بوجهي مؤتمن
باوع عليه واجه يطلع نهضت بسرعه وصحت ورا :- مؤتمن مؤتمن ،،

رجع باوعلي وكال :- خيررر ؟؟

بلعت ريكي وكلت :- عندي كلام وياك ،

ضحك بستهزاء وكال:- مايشرفني احجي وي وحده مثلج ،،

عصرت عيوني بقوى واحس كلبي نفطر من كلامه حزت بكلبي كلمته ديحسسني اني منبوذه ..

نفجرت بل بجي ماكدر اسيطر على نفسي كعدت على الجربايه وغطيت وجهي بإديه ..

لحضات وسمعت صوته يكلي :- شبيييج لج شصاير ؟؟!!

بعدت اديه عن وجهي ومسحته طلعت موبايلي من جيبي وخليته كبال وجهه ..قلص عيونه بستغراب واخذه من ايدي ،،،

شفته فتح عيونه بصدمه بلعت ريكي خايفه من ردت فعلى بس موبيدي اخاف اسكت ويروح سيف ينشر الصور مثل ما هددني ..

بحركه سريعه منه شمر الموبايل وجرني من شعري صرخت ولزمت ايده ..

صاح بوجهي :- لج انتي شنووو ناويه تجلطيني انعل ابوج لابو العرفني بييييج وحده س**** بلا تربيه لج ماتبتيييي ماتبتييييي ،،

كلت :- والله معليه مامحاجيته هو راسلني ويهددني يكلي الايام الي حبسني بيهه ابن عمج اطلعهن من عيونج ،،

صاح بوجهي بغضب فحيح كلامه ضرب بوجهي موع روحي من كثر خوفي حسيت نفسي شيء محطوط على النار شويه شويه يموع ويذوب ،،

:- ولج ليش تنطيييي صور ليشش ،

شمرني على الجربايه بقوى حسيت اتحركت جمجمه راسي من كثر قوه الضربه ،،

ضل يدفر بالميز برجله ويحجي ويسب
جنت مغمضه عيوني وبس ابجي مالي حيل

اشوف شكله وهو عصبي سمعت صوت تكسر
فتحت عيوني شفته ضارب ايده بمرايه الميز
والكزاز والدم مالي ايده ..

بللت شفايفي كلبي نعصر عصر حالته هاي بسسبي اني وبسبب غبائي اي شيء يصير بي احمل نفسي المسؤليه فتح الباب وطلع حتى بدون ميباوع عليه ..

لميت رجليه لصدري وبجيت بقهر ..
يعني شبيدي اني غلطت من وثقت بي ادري
واعرف غلطي كلفني هواي خسائر ومنهن
الثقه ،،

نفتح الباب ودخلت سمارا شافت حاله الغرفه
نصدمت ركضت يمي حضنتني من راسي جلبت بأيدهه وصرخت بقوى كالت :- ليش تبجين ليش ؟؟