سمارا اليسار (انبلاج السوسن)

الجــــزء الثــــالـث

#بــــقـلم
#ايـــــزابـــيـل
#الجــــزء الثــــالث
(ســـــمارا اليــــسـار)
..
هند

عقدت حواجبي مستغربه وكلت :- تشك بيه ؟

كال بصياح وعصبيه :- لعد فسريلي روحتج يمه ووجودج بغرفته

هند :- شفسررلك اذا انت ماعندك ثقه بيه ولو ذره تغيررررت حيل مامصدكه انو انت نفسك الياس ..

تقرب عليه ولزمني من فكي كال بصوت ناصي مليان غضب :- لأخر مره اسألج شعندج ويا ..

فتحت عيوني مصدومه لزمت ايده ودفعته حيل صرخت :- لك بعد كلشي صار تشك بيه بسهوله بعد كل السنين الي عشتهه وياك تجي بكل سهوله تكول هذا الكلام اني مابقى يمك لالا مستحيل ابقى يم شخص يتهمني هيج اتهام . ..

صاح بقوه ودفر الميز الي كباله ضل يكسر ويدفر برجله ويصيح ب :-ماشاك بيييج ماشاك بيج داكلج فسريليييي وجودج يمه ..

بلعت ريكي وكلت بصوت هادء تضارب وي اصوات التكسير وصوت صياحه :- لو ماهو جان هسه اني مفضوحه وسالفتي ينحجي بيهه ..
..
بسمله

لزمت راسي وكعدت على الجربايه كرفص كبالي وكال :- بس فهميني شبيج مو نار بكلبي عذبتيني بسمله كفيلج الله ..

خليت اديه على ركبتي احاول استنشق الهوى الي احسه نعدم عندي رمشت عيوني بتعب ..

اني اصلا ماعرف شصارلي وليش حالتي هيج حتى امير هملته وصار اكثر من اسبوع ماشايفته ..

باوعت لأيدي بيهه اثر الأبر الي اخذتهه بالمستشفى نزلت راسي ودموعي وكعت لا ارادياً ..

رفع راسي وكام كعد بصفي على الجربايه
بعد خصلات شعري الي جانت متناثره على
خدودي مسح دموعي وكال :- صار اكثر من شهر صابر على حالتج هاي بس فهميني شبيج ..ترفضين قربي وهامله نفسج وبيتج وابنج شصار فهميني احد مأذيج ؟؟

دفعت ايده وكمت وكفت حسيت توازني اختل بس ماحجيت اي شيء ولا نطقت بحرف ..
رحت متوجهه للباب ..

بدون شعور حسيت راسي افتر ووكعت للكاع
ماسمعت غير ركضت مؤتمن تجاهي ..
..
سمارا

جريت ايدي منه بعصبيه
وكلت :- انت مالك علاقه بيه كلشي انتهه بينه ف لا تدخل رجاءاً ..

يسار :- ادخل واكسر راسج هم حلالج الجو وي رامي مو . .

رفعت حاجبي :- وانت شدخلك عيب عليك والله انت متزوج روح حير بزوجتك شكو جاي تكمز فوك راسي اعرفك تعرفني ..

احس عيونه راح تطلع من كد العصبيه ..
ضحكت بستهزاء
هز راسه بتوعد وكال :- جوان متبقى عندج ..

فتحت عيوني وصرخت :- انت مخبل شبيك بابا داكلك ماعندييي شيء ويااا ..

اجه يحجي يسار بس قاطعه دخول رامي
صار بيناتنه باوع ليسار وكال :- احبهه اخطبهه اتزوجهه منو حضرتك ؟! طليقهه  بس مو والي عليهه حتى تدخل وبنتهه تبقى عدهه ان رضيت او مارضيت ..

..
حبيت انزل مشهد من الجزء القادم
بمناسبه المركز الاول لسمارا اليسار ..

بالمناسبه هاي ثاني مره راح افسرلكم
معنى الاسم لكثره تساؤلاتكم ..

ياعيوني الاسم خدعه .. خدعه يسار السمارا
فهمتوا قصدي جان دائماً خادعهه بكلامه وتصرفاته وماجان يكول الهه غير سمارا اليسار وهذا الكلمات نكدر نكول السبب الأكبر لخطئ سمارا .

المهم ترقبوا هذا الجزء بعد ارتداد العقربه ..

♡♡♡♡♡
ايـــزابــيل