الحاجز

إعترافات

1. حقيقى أنا مش راضيه عن الروايه أو يمكن تأخرى بالكتابه زرع عندى الإحساس دا وحاسه إن فى حاجات كتير سقطت منى بالإضافه إنى غيرت أحداث وحاجات كتيره من السيناريو اللى كتبته لعدة أسباب واحد منها دمجها مع المختاره

2. فى الأصل إندى كانت مستنسخه من روح ماريا صديقة إيلا بس لقيتها هتبقى بايخه

3. المختاره ماكنتش ضمن الروايه فحقيقى كان صعب إنى أغير الأحداث عشان أدمجهم مع بعض فممكن تلاقى الزمن اللى وقعت فيه الروايه مضروب

4. أنا حاسه فعلا إن زمن الروايه ضرب بقوانين الفزيا عرض الحائط

5. رينا كانت المفروض تكون حبيبة تيتان مش أكوا

6. فى الأصل تانى سام كان بيكره سيرينا جدا وهينتقم منها عشان قتلت حد من شعبه ومع ذلك كانت بتحاول تعرفه مكان الحاجز على الرغم من تعامله الزفت معاها

7. نهاية الملكه من أول ما بدأت أكتب الروايه وأنا مش عارفه أعملها ازاى وفكرت إن تيتان يقتلها

8. حقيقى المختاره أقرب لقلبى من الحاجز وممكن الأقرب منهم الأتنين رواية لعنة رفيق اللى كان المفروض تنزل قبل الحاجز أصلا بس سيبتها لإنها محتاجه مجهود كبير وخصوصا إنها عن المستذئبين وبعيده جدا عن سيناريو أى رواية إتكتبت عن المستذئبين

9. الروايه بدأت أكتبها بعد المختاره بأسبوع أو حاجه فى نفس وقت كتابة لعنة رفيق وبدأت أنشرها وأنا كاتبه فيها 6 بارتات بس كالعاده زنقت نفسى لحد ما خلصوا من غير ما أكتب حرف فى السابع نفس نظام الدراسه كدا

10. لقد هرمت من أجل هذا فعلا

11. إحتمال كبير ألغى نشرها بعد فتره لإنى زى ما قولت مش راضيه عنها

12. حابه أشكر أى حد شجعنى بكلمه أو تعليق لأن حرفيا أحيانا مكنتش بكتب كلمه فى البارت الا إما يجيلى تعليق يفكرنى إن المفروض أكتب بقى

13. أمى الشخص الوحيد اللى يعرف إنى بكتب أصلا وبتقرأ الروايه دى مع إنها مابتحبش القرايه ولا النوع دا بس متابعه فى صمت 💙💙

14. العمل القادم أو اللى بعده أتمنى يكون ورقى

دمتم فى رعاية الله