#سنين_من_العمر
للكاتبة ام مصطفى البارت السابع
جنااات
بالليل نزعت البدلة وغسلت وجهي وكلت اروح اراضي خواني ماايصير اطلع من البيت همة زعلانين علي
اخذت سارة وياي
-عفية ساره تعاي وياي اروح اصالح الولد
-اي عفية عليج ردت اكولج عود
-لا اني كلت مااطلع من اللبيت اذا مايرضون عني
-دمشي لعد
طلعت خايفة مرتبكة من الغرفة
فتت الهم جانوا منجمعين بغرفة الاستقبال
طبيت كلها شافتني ودارت وجها بس رعد كال تعاي جنات فوتي
طبيت ركض ع عقييل لان هو اخوي الجبير وصار اسنين هو معيشنا وشايل البيت كله هو واحترمة واحبة مثل ابوي الله يرحمه
كتله عقيل عليك الحسين سامحني ابوس ايدك سامحني اني اختك وغلطت فدوه سامحني وارضه عني مااكدر اطلع منا وانتم زعلانين علي صح الي سويته غلط بس والله متندمة جنت احجي وهو ساكت وداير وجهه
عقيل فده بداعت الخوه سامحني
رعد كال يله عقيل فكها شنو السالفه البنية جاهل وغلطت.واجت تعتذر وبعدين هي باجر عرسها لاتكسر بخاطرها
اندار علي
-هيج تسووين بيه جناات وج لو طاكتني طلقة ولا تخليني بهيج موقف هيج تنزلين راسي واروح للناس اكلهم لكيت ابنكم وي اختي لو ميت ولا مخليتني بهيج موقف
كمت ابجي من امداني خوية اسفه والله بس سامحني عليك الله عليك القران اني غلطت استاهل كل الي تسوي بيه بس سامحوني جرني لحضنه
-ولجن انت مو بس خواتي انتن بناتي اعتبرجن من عمره ١٥ سنه ومتحمل مسؤوليتجن بطلت من المدرسة ورحت اشتغل بالسوك ادفع عربانه حتى اعيشجن ورحت اشتغلت عامل اصعد طابوك ومااتعب اكول لاخواتي محد الهن
تالي هيج تجازيني جنات تنزلين راسي وذيج ميقات تكسر كلمتي وملتقبل برعد وتصغرني كدامة
اخخخ بس شحجي شكول تضلن خواتي
حضنته وكمت ابجي اعذرني سامحني بست ايده ودنكت ع رجله وبستها كرهت روحي ليش خليت اخواني بهيج موقف مرات نتصرف تصرفات بدون تفكير مشاعرنا تقودنا ونغلط ونسوي اشاء بعدين نتندم عليها
كمت المسلم الي جان حيل حاقد علي
مسلم عفيه سامحني
روحي يله سامحتج مدام عقيل سامحج الله يوفقج خوية
وانت حيدر اني بدي الزم وليد اكسره تكسر شلون يطفر علينا اخخ ماانساها الها
رعد كال لك هو شظال بيه مكسر تكسر ياخويه
انداريت ع رعد رعودي انت هم سامحني انت هم اخوي واحبك مثل الولد
-مسامحج يمعوده انت مثل ساره واعز
شكرا
طلعت فرحانة بكلبي لان صالحتهم احس نفسي هسه يله فرحت
البنات التمن يمي كلهن بغرفتنا بقينه سهرانين ضحك وسوالف تالي كتلهم اني كلش نعست راح انام وانتن عود ابقن
عفتهم ونمت
من الصبح كعدت
سارة كومي يله
شكوو ولج
يله هم يله نروح للصالون كالت تعاي من وكت
وج بعدني نعسانه
دكومي عفية حبابه
-هفف كمت
راح اسبح واطلع الكاج متحضرة
-اوكي
دخلت للحمام جلفت جلفت عروس ههه
وطلعت لكيت امي حاطتلي الريوك
صباح الخير ماما
-صباح النور بنيتي يلة حبيبتي تعاي تريكي تره يكتلج الجوع منا لليل
تريكت ولبست وطلعت
اخذنا رعد للصالون بتكسي ذبنا ورجع
وكال اجيجن بالوحده
