#سنوات_من_العمر
للكاتبة ام مصطفى
الجزء الثاني
البارت الثاني عشر
حيدر
بقيت كاعد مضروب ع راسي
امي كالت الها
حجية البنية صغيرة مو مال مسلم تزوجه منو يكول يقبلون يطوها لواحد مزواج جان وعنده اثنين بنات واكبر منها بهواي
لا اني اريد ازوج مسلم وحده فاهمة جبيرة اداريه واداري بناته تعوضة ع الايام الي شافها
وبعدين اريج تدرس هسه
سمعت امي هيج حجت وارتاحيت شويه
جاوبتها بيبي
عكيفج سديتيها فرد سدة بوجهي انه اريد وحده صغيرة وحلوه وااحرك كلب وريده اريج حلوه اكيد مسلم يفرح بيها وينسى وريدة
خايبة ابنج ماناسبها عبالج ناسيها لا
-يااا حجية منو كلج هو كلج
-لاء بس اني اعرفة زين
حجيت اني بيبي البنية صغيرة مو مال مسلم
-ها خاف حاط عينك عليها
-اي لعد ليش حرام علي
فاتت سارة وراي متخوصرة وواكفة
بيبي ترة هم يردها حيدر وعينه منها زوجيها اله خطية
لعد وانت شمالج خايبة
-بيبي هو يريد بنية صغيرة دارسة شيسوي بيه
-سارة انت ليش خبيثة
انيييي
اي والله خباثة موطبيعيه عندج انت لا انطيك ولا اخلي رحمة الله تنزل عليك
لج اني ٤بل ربع ساعة مجنت يمج وحاولت ارضيج وانت قافله
انتي شتردين بالضبط كولي ترديني اصيرلج زوج وامارس حقي وياج هسه مستعد اخذج لغرفتي
- اسكت عيب عليك هيج تحجي
-لا اريد هسة تحددين موقف لو تقبليني رجال واخذ حقوقي كاملة منج لو تكولين مااريدك ومالي شغل بيك
مو باقية متعرفين شتردين
بيبي حجت
-سويرة شتردين رجال دكتور شحلته مثقف الف وحده اتمناه زوجته الج
كولي شتردين فهمينه لان تخبلتي انت ما عرفنالج شتريدين
-مااريد شي بيبي اني اريد يطلكني مو بس محسوب علي رجال ورايح يحب وبتمعشك
كمت ضربتها راشدي رجال وغصب ماعليج سمعتي لولا.
شتردين كولي لا تستحين ترديني تعاي
جريتها
عوفني شبببيييك
لا خل اشوفج الرجال شلونج
بيبي تصيح اي حويدر عفية هسه تعجبني
وهي تصرخ البنات اجن علي حيدر شبيك خطية عوفها شتريد منها
وخرررن وخرن اريد اشوفها الرجال منو
جريتها وشمرتها بغرفتي ع الجرباية وقفلت الباب وهي كامت حيدر شسوي جاي لا تتهور مو قصدي هيج والله
نزعت قميصي وحزامي
ضربتها بيه نامي اشوفج منو الرجال
حيدر ابوس ايدك لا احرك روحي والله
ضربتها مره لخ بالحزام وضربه ثانيه انزعي
لا حيدر لا لا فدوه لا دكولها
والله اموتج ع ايدي خبلتيني ولج شتردين مني دمرتي حياتي اكرهج مااحبج بس مع ذالك اليوم ماتعوفج
وصلت يمها دفعتها
لا حيدر بروح عقيل لا لا اني مرت اخوك
من كالت هيج كمت منها ودرت وجهي عقييل اذكرت اخوي وشلون جان يحبها
كومي ساره كومي
-شتريد حيدر عفية عوفني اني غلطانه اني قصدي استفزك
-انت مريضة نفسيا روحي تعالجي
سارة اصعدي البسي وانزلي نروح اطلكج
طلعت نزلت هدومها وركضت فتحت الباب وشردت
اعوذ بالله من الشيطان الرجيم
يارب ساعدني والله تعبت كرهت نفسي
كعدت ع الجربايه باوعت ع نفسي
حيدر كافي الكل يتحكم بيك خليلك كلمه
سارة اطلكها واريج اخذها وشيصير خل يصير
لبست قميصي
وطلعت وينج بيبي راح اطلكها سارة ولا دكليلي لا والله احرك البيت حرك هاي مريضة اخذوها لدكتور نفسي
حويدر جده ع كيفك وياها اطيها فرصة
-لا دكولين اطيها فرصة مااريدها واريج احبها واخذها وممنوع تجيبن اسمها كدام مسلم
-حويدر تصيح علي
-اييييي مااخاف ولا احترم احد بعد رأي من راسي ويينج وينج سارة
-شتريد خايب منها
اخذها اطلكها وانعل ابو اليبقيها ع ذمتي حاسبتها علي مره وحاسبه علي زواج
فوكاها هي ماقابله ومانه علي
نزلت تبجي
بيبي كالت الها
-هلو هلو يعيارة علكتيها وكمتي تتبكبكين دروحي خل يطلكج يطبج طوب سيدة الشاشة شافية روحج
جانت تبجي
جريتها يله
رضا عمو وين رايح
هسه اخذ امك مريضة للمستشفى
صعدتها بالسيارة بس تبجي ولا كلمه
وصلت مكتب طلاق وزواج
كتلها يله انزلي
نزلت حيدر
اسسسس ولا كلمة تحجين هاي راح اطلكج وارتاحي وريحيني
طبينا للسيد استقبلنا
كال طلاك
كتله ايي
اي مبين من الوجوه طلاك بس سموا بالرحمن وانطوا فرصه ثانية لنفسكم
-لا مولاي متفقين احنا
-ع راحتكم
جاب شهود اثنين
وبده بكليشة الطلاك رميت عليها الطلاك
وهي زادت بجييي بس اناشغ وتبجي لا لا
انطيته فلوس وطلعت
صعدت بالسياره ليوره وتبجي
-عليمن تبجين هذا الرايدته صار مو يومية هوسة وعركة طلكني وطلكني وردتي تحركين روحج
هاي هي الردتي صار
ماحجت
دخلنا دربونتنا
كالت
-حيدر اني حبيتك وجاي اغار عليك ردتك رجال سند الي مو جسد ولا فراش!
لا ردتك سند الي واجهالي
وكل التصرفات الي اتصرفها بدافع الحب مو الكره
ولان اشوفك اني دخلت حياتك وخربتها
فلازم اريحك واطلع منها حتى لو ع حسابي.
فتحت الباب ونزلت وسطرتني بهاي الحجايتين
بله هاي شحجي وياها كرهنتي بروحي
اخخخ ياربي ليش!هيج جاي يصيير وياي
شغلت السيارة وطلعت
ما اريد ابقى بالبيت ولا اريد اشوفها
مااعرف اني ظالمها لو هي ظلمت روحها لو الدنيا هي ظلمتنا
