#سنوات_من_العمر
للكاتبة ام مصطفى
البارت ٢١
حيدر بقيت يومين
يم الولد صديقي وقافل جهازي من الموقف الي صار كدام ميساء مااعرف شكللها لو خابرتني جنت مقرر حتى ماارجع للبيت
بس ماحسيت الا اوس يكلي اخوك مسلم بالباب يريدك
-مسلم شجابة شلون عرف اني هنا
-ماادري والله
اوس خاف انت كتلهم
لا والله حرام مو اني دطلع عيب اخوك بالباب ومبين حيل قلقين عليك اطلع اله خطية
اي طالع
طلعت للباب اول مشافني ضربني راشدي
لزم خدي وفتحت عيوني تضربني
-واكسر راسك لك صار يومين ندور وماكوو متكول امي يصير بيها شي اخواتي بيبيتي يصير الها شي
اناني تفكر بس بنفسك هذا كلة ع مود ست ميساء امشي يله وياي امشي
مسلم انتم مشكلتكم متفهموني مااريد سارة ماازوجها
-لك منا الناس اسكت وكت هالحجي امشي للبيت وبعدين نتفاهم يله امشي
بس خل افوت اجيب مبايلي والبس ملابسي واجي
طبيت جوه بدلت جنت لابس تراكسود اوس
لبست بنطروني وقميصي واخذت مبايلي سلمت ع اوس وع ابوه وطلعت
شافني صاح يله اصعد امشي
صعدت بالسيارة جان مسلم كلش عصبي
-شلون عرفت اني هنا
-هو هذا الي هامك شلون عرفت
اسئلني ع حال امك ع بيبيتك خواتك
ليش شصار
بيبي بالمستشفى صعد ضغطها ورادت تنجلط بسببك
بيبي هي جايبه المغثة لروحها شكو تدخل بينا
انجب حيدر واسكت هاي بيبي صار سنين هي الي شورها وامرها يمشي ع الجبير والصغير ومحد كاسر كلمتها حتى ابوي وعمي قبل
بيبي الي ربتنا طول هاي السنين
تجي انت تريد تكسر كلمتها
-مسلم افهمني احب اختها وهي تعرف شلون تتقبلني شلون اتقبلها واحنه مفروضين واحد ع الثاني
-عادي تنسوون بمرور الايام
-لا مااكدر
تكدر وهسه تروح وياي للمستشفى لبيبي وتكلها موافق راح اعقد عليها وبس تطلع بيبي اجيب السيد واعقد الكم
مسلم صدك تحجي
اي لعد اشاقة وياك قابل
مااكدر مااكدر افهمني شلون اتزوجها واتقرب منها ماالي نفس بيها
-تتعود عليها هسه بس عقد وبعد متخلص سنة التطبيق مالتك عود ذاك الوكت انت متعود عليها وراح تكدر ووتتعود عليها بس انت هسه حاول تتقرب منها هي هسة وافقت وكالت بكيف حيدر اذا قبل اوافق
-هي هيج كالت عجيب
-اي من شافت بيبي وكعت لعد مثلك تفتهم وتقدر بيبي اذا صار الها شي ترة نطشر كلنا سمعت
يارب ساعدني يارب قويني
حيدر راح اخذك كبل للمستشفى توكع ع ايد بيبي وتبوسها وتكلها بيبي اني اسف اعتذر واني وافقت ازوج سارة افتهمت
بس
بدوون بس حيدر بيبي بين الحياة والموت راح تنجلط وانت السبب
-لا اله الا الله يارب الطف بحالي
اخذني مسلم كبل للمستشفى
واشوف امي شافتني ودارت وجها مني رحت اسلم عليها كالت لا اني امك ولا اعرفك ولا تعرفني اذا صار ابيبتك شي بسببك اتبرة منك ليوم الدين
يمةة شبيكم كلكم علي ارحموني
ليش شمسويلك متكلي شنو الي طلبنا منك غير تعقد ع مرت اخوك واذا تريد تزوج فوكاها
يمةة مو كتلج ليش تأذيني اكثر
الخلق ميساء خلق ترة غيرهه وبعد ماعندي حجاية وياك مثل ماكتلك لو صار شي ع بيبيتك اتبرة منك ليوم الدين
