#سنين_من_العمر
للكاتبة ام مصطفى البارت العاشر
خوش جا امشوو وي امكم يله بره بعد مااشوفكم بالبيت
صبيحة :- حجية ليش هيج تسووين اني كلشي مااريد اجيت بس اشوفهم اريد بس اظل اتوصل وياهم مو عيوني راحت واني ايجي عليهم حرام عليج تحرمين ام من ضناها
-انت اختاريتي اهلج شعدج جاية عوفيهم صبيحة لا تخربين حياتهم
باجر حنتهم عوفيهم وارجعي وين ماجنتي
-حجيه كتلج مااريد شي اريد بس ابقى اتواصل وياهم ويزوجون واني فوك راسهم اني عندي بيتي وجهالي مارايده شي منهم فدوه كافي حرام تحرميني منهم
رعد كال
بيبي امي نريدها احنه كافي محرومين منها كل هاي السنين وجنه ظالميها طلعتوا انتوا مانيعها من عدنا مو عايفتنه
دكت بيبي عوجيتها بالكاع
وندارت ومشت
كالت
-شوفيهم واشبعي وشوف وروحي لبيتج يله
-حجية ااريد احضر عرسهم فدوه اروحلج
-احضري وروحي عافتنا بيبي وطبت لغرفتها وسدتها
واحنا جلبنا بامي دخلناها للبيت جوه وهي تحضن بينا وتبوس وتبجي
وتحجي وتتاسف النا
كامت تحجي كل الي صار وياها وشلون بيبي منعتها تجي تشوفنا
وضلت تشهد بعمتي
هاي كدام عمتكم اسئلوها جم مرة اجيت وبيبيتكم تطردني واتوسل بيها وماترضى اشوفكم وارجع ابجي عليكم
ضلت امي تحجيلنا واحنه نبجي
بقت يمنا لليل وراحت اخذها رعد يوصلها لبيت خالي جاية عدهم خطار
شبعت بجي عليها بس بكلبي فرحت امي اراح تحضر عرسنا ورجعت النا
ثاني اليوم الصبح اخذونا للصالون اني وميقات
لبسنا بدلات اني لون احمر وميقات بنفسجيه
جان مكياجنا كلش حلوو
اجو اخذونا
عقيل شافني تعجب بيه كال طالعة تخبلين
ميقات
رجعنا من الصالون
ورعد كعد يمي
ميقات صدك هاي انت لج شطالعه ملكة جمال ماعرفتج
-شكرا وانت هم طالع حلو
عدل ياخته تره اني حلو من زمان بس انت مجنتي تشوفيني
-جنت عمية وغبيه
لا حشاج عمري
صاحت جنات
يله عيني خل نصوركم
جابت امي علبة الذهب وخلتها كدامنا وكمنا كل واحد يلبس عروسته الذهب
وهنا يهلهلن ويصورون
جانت ام رعد موجوده وتهلهل وتبجي
صاح رعد عليها تعاي يمة بصفي اخذي صور وياي
كعدت بصفنا وباستني الف مبروك بنتي ربي يوفقكم
-اشكرج عمةةة
خلصت حفلتنا حفلة البنات
وبدت حفلة الولد بالشارع
صعدنا كولنا بالسطح نباوع عليهم
هوسات وصفكات ولد تخبل جانت الدنيا انكلبت الدربونه انترست شباب
ثاني يوم نفس الشي هم رحنا للصالون
وخلصنا اجوي اخذونا للمصوره اخذنا صور
وراها فرونا زفة بالشارع واخذونا للفندق جنا حاجزين فندق
ميقات
طبينا للفندق وانسد الباب علينا
رعد باوعلي واخيرا صرتي مرتي وانسد علينا باب
جنت مستحية منه وارجف وكلبي يدك
تقرب مني عليمن ترجفين شبيج شصار تره اني زوجج ليش خايفة
-ها لا مخايفة والله بس شويه خجلانه
وليش الخجل ياعيني
افتر صار وراي وكام ينزع بماشات الطرحة مالتي
خلصهن وشال الطرحه شمرها ع الجربايه
باسني بضهري وفتح ساحبة البدلة ...
