بارت هدية الكم
#سنوات_من_العمر
للكاتبة ام مصطفى
الجزء الثاني البارت الرابع
مسلم
ضليت اروح وارجع بالبيت
توترت كلش وصرت اعصاب كسرت كلامي وطلعت عود تعاند بسيطة اشوفج منو مسلم بعدج مشايفه وجهي الثاني
كعدت البنات
صباح الخير بابا
هلة بنياتي صباح النور
سويت ريوك الهن حطيته يمهن
اتريكن بابا
الظاهر راح تبقن طول عمرجن هذا حالجن
سارة
دخلت للحمام اسبح وخليت ملاك يم اخوها رضا كتلها ماما ديري بالج ع اخوج خاف يريد شي لو يتحرك صيحيلي
طبيت اغسل
شوية واسمع صريخ رضا ماما تخبلت ولبست هدومي وطلعت اركض
واشوف رضا واكع من الجرباية للكاع ويصرخ
يمةةة عزه عزه شصارلك منو وكعك
اخ ماما الحكيلي
شلته ورجعته ع الجربايه وهو يبجي والك يمةة كلي شبيك شيوجعك
ضهري ورجلي
عزه بعيني بس لا انكسر ضهرك ليش ماما تحركت ليش
اريد انزل العب وي جهال عمة جنات ملاك نزلت تلعب وياهم
وك يمه انت مريض شلون تلعب وياهم
مو كلك الدكتور لا تتحرك احسن تنام مستشفى ترجع والك يمة ليش تشلع كلبي
وهاي ملاك اني الها اني اعلمها اليوم اشبعها كتل
كمت افرك بضهر وهو يصرخ
لاتخبلني ماما شنوو شبيك
يوجعني ضهر
ياربي دخيلك سبحة السودة علينا
نزلت لعمتي
عمةة فدوه الحكيلي
-هااا شبيج خير
رضا وكع من الجرباية ويصرخ
يااا شلون وكع وشصارله
عمه فدوه اصعدي وياي نجيبه ناخذه للمستشفى
ولج ميقات خابري حيدر
لا لا شكو حيدر هو ناخذه للمستشفى
سارة احنه بيا حال هسه
خابري ميقات بسرعة
ميقات
خابرت ع حيدر وكتله
كال خل يجيبن تكسي ويجن اني بالمستشفى منتظرهن
نزلت امي وسارة شايلات رضاوي سوده علي وهو ميت بجي
كتلهم حيدر منتظركم اباب المستشفى وبجهكم عليه يكول ياخذن تكسي ويجن
طلعن
وجنات لكفت عبايتها كالت اروح وياهن
يمعوده وين رايحة
لا لا اروح مااصبر اكعد وانتظر
اووف شجاي يصير بينه شهاليوم المتروس احداث خرب حضنا ولا ارتاحينا يوم
انوب خفت ع ولدي صحت عليهم تعالوا العبوا بالغرفة جوه
بيبي كامت تصيح وينجن شكووو
طبيت الها ها بيبي وج ميقات شصاير
بيبي رضاوي واكع من الجربايه ويصرخ واخذنه للمستشفى
يااا جا امه وين عنه ملتهيه بس بالطلايب وي حويدر طلكني وطلكني دهر صابجن كون كومني خل اكوم
بيبي وين تكومين مابيج حييل
كعديني خايبه
اي صار كعدتها
خابترن رجلها
منوو
حويدر خابرتنة
اي بيبي منتظرهن بالمستشفى ومسلم وين
بيبي ماادري يمكن بالشغل لان من طلع وي هذا ابن عمنه مارجع بعد
خابريه شوفيه وين
بيبي خاف بالشغل وخطيه نقلقة
مسلم اروح وارجع بالبيت
متت
خابرت ع ابوها
كتله عمي بنتك كسرت كلمتي وطلعت صراحة اني مااتحمل اليوم ادزها الكم وباجر ادولكم ورقة طلاك مابيها مجال
-عمي ع كيفك كول يا الله
-اني كايل يا الله بس بنتك حيل تعافت ع نعمتها وجاي تتمرد علي
يصير خير بويه انه اجي واتفاهم وياها
