#سنوات_من_العمر
للكاتبة ام مصطفى
البارت الخامس عشر
بارت حزين كولش الي ميكدر يتحمل لا يقراه يطفرة
عقيل رعد
لا لا
كالت ورود شكوو شبيك مسلم
مسمعتي انفجار بالمسطر مالت العمال
-اي وشنوو
-لج هذا المكان الي نوكف بيه حتى نلكة شغل
طلعت مبايلي دكييت ع عقيل مغلق
ياربي دخيلك
رجعت دكيت ع رعد مغلق
ادك وماكوو ادك وماكو مغلق
ضربت المبايل بالكشن مالت السيارة ومشييت سرريع احي كلبي يريد يطلع مني وارجف كوه مسيطر
صارت سيارة كبالي واني سريع ضربت بريك حييل وكفت السيارة صرخت ورود مسلم راح تموتنا ع كيفك
رجعت مشيت ع السريع بدقايق وصلت للبيت فتحت باب السيارة ونزلت
دكيتت الباب حييل وقووي
طلعت امي
شكوو شبيك
يمةة عقيل. رعد راحو للمسطر
-اي من غبشة
ماارجعوا
لا
اويليييي يابه
-شبيك يمةة شكوو خوفتني شصار
-انفجاار انفجار
-يمةة اسم الله وين
-بالمسطر يمةةة
-يمةةة اسم الله دخيلك يا علي يمةة عقيل
وك يمةةة دكيت عليهم
اي دكيت مغلق
ركضت للسيارة
طلعت وراي امي وووين رايح مسلم تعال
يمةة اشوف الولد وينهم وشصار عليهم
واني شلون ياهو يطمني
اخابرج يمة
اوكف اخذني وياك
يمة ابقي ابقي خل افتهم
عطت بورود شعدج باقية بالسيارة انزلي جيبي بناتج وروحي للبيت بسرععععععة
نزلت خايفة
شغلت السيارة وطرت
ميقات
الصبح كاعده اغسل مواعين اشو احس انخمش كلبي وروحي انسليت مني
طاح الماعون مني ع رجلي وخرت منه دست ع كزازه انشكت رجلي طلع دم
كمت ابجي مو من الوجع الي برجلي لا بس احس اكو وجع بكلبي احس نفسي مخنوكة
طبت سارة شافت الدم وابجي
ياا ميقات شبيج عزه
انجرت بالماعون وكع مني
دنكت تلم طرد الشر حبيبتي طرد الشر ان شاء الله
شنو توجعج وتبجين
ها لا
يا لعد شبيج تبجين
ماادري سارة احس مخنوكة وكلبي يوجعني
-يا ستار ياربي
راحت فتحت صيدلية الادويه جابت معقم وشاش
تعالي اعقمها الج
خلت ديتول ودوه احمر ولفتها الي
كومي روحي لابنج اني اكمل
لا لا مابيه شي
دروحي يمعوده
يركض ورة بنات مسلم ابنج لا يخرمشهن مثل ذيج المرة وشيخلصنا من لسان ورود ومسلم
والله محد كال الها تذب بناتها تروح للصالون تسوي منكير وبتكير عشتوو
رحت للصاله لكيت صدك تقي يضرب بالبنات
لا ماما خطية دادا شبيك وياهن جريته منهن
كال اريد كاكاو
تريد كاكو يجي بابا ويجيبلك هسه
فاتت امي هاي شبيها رجلج
وكع الماعون علي ودست عليه
يا غير تنتبهين
اندك الباب حييل قوي
ياستار شكوو
ركضت امي طلع وراها اتسمع جنت مالابسه حجابي ماالبس بالبيت ابد ماكو غربه اخواني وزوجي رعد
وكفت وره الباب
واسمع مسلم شحجة وشكال احس جمدت بمكاني مااكدر اتحرك وكف كلبي وخرت روحي اريد انطق الكلمة مااكدر
بس كلبي اردد دخليك ياربي لا تفجع كلبي بواحد بيهم عزه اخوي ورجلي يمةة اسم الله عليهم اثنينهم
طبت امي تلطم
يمةة راحو الولد دخييل ياعلي طلعهم سالمين
ولج ميقات دكي ع اخوج ع رجلج بلكت تحصليهم دكي وتفرك باديها امي
اسم الله ع اسمكم يمه اسم الله عليكم
