بارت صغير هدية
#سنوات_من_العمر
للكاتبة ام مصطفى
ج ٢
البارت السابع
حيدر
بيبي صاحت تعال كومني ولك حطني ع العربانه
كامت تحجي ورود شوف يابه هاي معاناتي وياهم ناس همج
تحجي وتلم بشعرها وعيونها اتدمع
بيبي حجت
انجبي والج همج
الهمج وصلوج للدكتوراه ذول الماعاجبيج
ابو ابراهيم انه ادري بيك رجال والنعم منك حقاني وماترضى ع البطال
انة هسه طكيتها لان معتبرتها مثل بنات وعمرنا ماقصرنا وياها واسمحلي اكلك بتك قليلة اصل عضت ايد الي تمدت الها
انت تعرف شني السالفة كلها من البداية واظن مسلم حجالك كلشي
ميحتاج اعيدلك الحجي بس اكلك بتك تعافت ع نعمتها وشافت روحها وتكبرت ع رجلها وماشايفة احد كبالها
ابو ابراهيم احنه نريد نحلها بتك تريد تطلك اني اخلي مسلم يطلكها بعد شتريد وخل تتنازل عنه بله مشاكل بينا جهال وتبقون انتم اجداد بناتنه
عليش تصير عداوات انه مااضمن الولد شيسوون لو مااتنازلت
هاي وحده والوحدة الاخرة بتك موسطة واحد من البرلمان بالمركز ع ابني منين تعرفه كلي منين
-التفت عليها منو ولج هذا
-يابة والد زميلي
-ورود تردين طلاك انت
-اي اكيد واريد حقي وبناتي هم
-حقج اخذتيه وزايد سنين مسيلم يصرف عليج وبناتج ماظنج انت بحالهن ولا تدرين بيهن بيوم ياكلن ويشربن وينامن عدنا وحتى من كملهن احنا انضفهن خليني ساكته
-بناتي مااطيهن
حيدر
اجتني رسايل من صديقتي الدكتورة
صور ورود هي ومدير المستشفى رجال بعمر ٤٥ سنه ومزوج وجهاله بطولة
انصدمت
كتبت اثار شنو هاي
هاي صور مرت اخوك اليوم مو كلتلي وحجيت لدكتورة ويانه جان دكول اي مو منسقة وي المدير اكيد تطلب طلاك
ودزتلي هالصور واني دزيتهن الك كلت بلكت تفيدك
عاشت ايدج اجن بوكتها
الصور كاعدة ع الميز وتضحك كبال الدكتور
ولج بالكافتريا ياكلون سوه ولخ هم بغرفة الدكتور كاعدين
عاد اني سويت اعادة ارسال الها بسرعة
باوعت ع مبايلها ورجعت باوعتلي
كتبت الها ذن الصور هسه اشوفهن لابوج اذا ماتنازلتي ع مسلم وتتنازلين عن البنات
ارتبكت كبالي
وبيبي تحجي وي ابوها
هي كامت يابه اني راح اتناز والبنات هم خليهم الهم بس الي حق شوكت ماادو عليهن اشوفهن يودوهن
اي نوديهن الج خوش
كومي ويانه هسه كومي انتي وابوج اتنازلون
اشرت الها بحواجبي كومي
خافت ارتبكت كالت ابدل واجي
وابوها خطيه جان مقابل ع كلشي
امها وكفت بالباب كامت تعد وتصف
بيبي كالت الها اسكتي خليج محظر خير لا تصيرين هجامة بيوت باجر بيتج هم ينهجم ترة
خلينا نخلصها بدون مشاكل
طلعت ورود
وصعدت ويانه هي وابوها
والحمد الله تنازلت ومسلم طلع بالف خير
مسلم
مو يوم احسه سنه الليل كله مانمته اتذكر كل المواقف والايام الي عشتها وياها ساعة ابتسم وساعة انقهر وساعة احقد عليها جانت تستغلني ابد ماحبتني ابد جنت معبر الها جسر تحقق اهدافها زين ليش ميخالف جسر الها بس ليش هالشكل تستعار مني شغلتي كلش حلوه اصلا عبالك مهندس اني عدنا افكار تخبل بالبنيان واسوي ديكورات كل الي اشتغل الهم يتعجبون بيهن وكلها دكلي عاشت ايدك وفنان انت
وفلوس خير من الله كل بيت الزمه احصلي اقل شي ١٥ مليون
يعني ماعايز اني شي ولا ناقصني
واخر فترة كمت اشتغل مقاولات وي الدوله الزم مدارس مستشفيات مراكز صحيه وهم خير من الله
الظاهر ورود ابد ماحبتني لان الي يحب مايسوي هيج ابد
حييل بكلبي مقهوور اذكرت عقيل ورعد
وعاندتهم وحجاية رعد من كال ولا ارتاح الها هاي
ومن ضربته بسجين ع مودها وشلون جنت اوكف ضد كل واحد ياذيها بحجاية
معقوله كلهم جانوا يشوفوها ع حقيقتها الا اني جان الحب عمايني
حسبنا الله ونعم الوكيل اكيد مسوي شي والله بلاني بيها
للصبح ماكو حيدر مبين كلت اكيد باوام ايست كلت هاي هي راح اكلي كم شهر هنا
بس للظهر اجة الشرطي كال افراج اطلع زوجتك تنازلت عنك
تعجبت مو من عوايدها صاير شي واجت
تنازلت
طبيت لغرفة الضابط لكيت ابو براهيم وحيدر اخوي وهي سلمة ع ابوها وهي جني ماشفتها
الضابط كال تنازلت عنك بس وقع هنا ماتعتدي عليها بعد ابد
وقعت بلة كولشي ماتحجي جنت ساكت طلعت وابوها كلي عمي طلك مالنا بالطيب نصيب هزيت راسي اي
وطلعت اني وحيدر
همه اخذوا تكسي واني صعدت بالسيارة ولكيت بيبي بالسيارة رحت بست ايدها ردت احضنها وابجي يامة نصحتني وشد عليها ولا ادللها واطيها عين الحمرة بس اني جنت اذن طين واذن من عجين
وصلت للبيت
تفاجئوا كلهم امي كامت تهلهل واجت تبوس بيه اجن البنات هم كيفن
كتلهم اريد اسبح وانام
امي كالت اكلك لكمة
ما اشتهي يمةة احس فقدت شهيتي كلها بوكتها
اسبوع اني نفسيتي زفت وحاكر نفسي بالبيت وحتى للشغل مااطلع
سويت وكالة للمحاميي يطلك وطلكتها يم سيد وهمه استلموا كلشي
واني عزلت نفسي ابيتي حتى بناتي ماسئلت عليهن
كرهت كلشي وكرهت نفسي مااريد اشوف احد
الى ان بعد اسبوعين اجة حيدر للبيت وياه مهيمن ابن عمي
كال مسلم ولد عمي اجو ويردون يتعرفون عليك
كافي اطلع من هاي الحالة ترة هذا مو حل والمايريدني مااريده اطلع مسلم ختولي اعتبرها فترة من حياتك وراحت
انساها وافتح صفحة جديدة والله متسوة الي تسويه بروحك كوم شوف شغلك وبنات
ميهمن كال
اني حجالي هسه حيدر
ياخوي احمد الله واشكرة خلصت منها هيج بشر مااقهر نفسي عليه
شر وراح منك بالعكس يراد تسجد وتشكر ربك خلصك منها
كوم كوم خوية جااين عليك نشوفك
واني اكول ليش نخابر عليه ميرد اخذت غيبتك عبالي متريدنه نجي
بس بعدين حيدر حجالي كوم لخاطرنا
كمت بست مهيمن كتلهم نص ساعة واجيكم بس ازين واغسل واجيكم
راحوا واني طبيت للحمام زينت لحيتي وسبحت وطلعت
جريت نفس لازم اتخلص من كولشي يذكرني بيها
اول شي هالبيت اسلمه لراعية والغراض ابيعها وارجع وي اهلي
وللحكاية بقية ام مصطفى
