#سنوات_من_العمر
للكاتبة ام مصطفى
الجزء الثاني
البارت السادس
حيدر
طلعت من المركز منهار ع مسلم وكرهت جنس النسوان وحقدت بداخلي
ياعالم ياناس اكوو هيج شي يدللها ويصرف عليها سنين
سنين مسلم يشتغل واديه تجارة دماية من السمنت ومافديوم اشتكى لو كال تعبت كلنا صرنا بركبته بعد موتت الولد وهي الها حصة الاسد لبس وطلعة ومدرسين وذهب ومصرف واكل من برة وايجار بيت كل هذا مغزر بعينها تالي تطلب طلاك وتذبه بالسجن
حسبنا الله ونعم الوكيل عليج من بنية
والله اني من البداية كتله مامرتاح الها شوكت مااشوفها ضحك وسوالف وي الولد واكول زملاء اجذب عيوني
جنت مااحب احب اخرب حياة اخوي بالاخص هو يحبها حييل وفرحان بيها
بس للاسف هي اتضح أبد محبته
....
رجعت للبيت
امي كاعده اباب الشارع لكيتها
شافتني كامت
-ها يمة بشر وينه اخوك وشصار
-يمةة شمكعدج بالطريق طبي جوه
-ولك يمة ماكدرت اطب جوه من خذو اخوك واني كعدت هنا انتظر يرجع
فوتي يوم فوتي ماايرجع يبات هناك
-ياا صخام ليش ولك
دفوتي يوم قابل نحجي بالشارع
كوة دخلتها للبيت
طبت والبنات شافني كلهن اجن اله ساره واكفة ع صفحة وتباوعلي صفح
استغفر الله ياربي شيخلصها
كلها ها شصار احجي
تعالوا يم بيبي نحجي لان مااكدر اعيد الحجي كل ساع تعبت نفسيتي
طبيت لغرفة بيبي والبنات وامي وراي
جنات ماكوو
كالت ميقات خذاها وليد وراحت
هاا
بيبي شافتني
ها جده اجيت اخوك اجه وياك
-لا بيبي مااجة
-ياااءء ليش خايب
بيبي هاي ورود مشتكيه عليه ضاربها ومراح يطلع اله تتنازل عنه
يا دهر فرها كون ام الوصخ هيج تاليها تشتكي ع رجلها يمةة نسوان تالي وكت تعافن كلش ويشتكن بالمراكز ويصيحن ع رجولتهن
باوعت ع سارة عود تضربها بسمار بيببي اله تقصف وتبسمر ماتسكت
سارة طلعت من الغرفة
رجعت بيبي باوعت علي وهسه شلون خايب يضل الولد بالحبس فلك صابج وريدة ام الكمل والكم ياهو يلزمها الي اله اسحلها سحل
-بيبي شنسوي هي دكتورة وراحت اشتكت وهو ضاربها مزورك وجها بالدوله مايصير واحد يتعده ع الكادر الطبي
-خايب دكتورة ع روحها ام الكمل جا هو غير رجلها واذا ضربها
-بيبي مايصير مدام اشتكت خلص ينسجن اله هي تتنازل وجمالة يكول الضابط موسطة واحد من البرلمان ع قضيتها
-يااا فلك عطرها اخخ يالقهر كون الزمها وحك علي محد يخلصها مني
شلون هسه ولك
امي حجت
شنوو حيدر يعني اخوك ينسجن راح
ماادري يمة المحامي يكول حاولوا وياها بلكي تتنازل
انه اروح الها اتوسل بيها بلكت تتنازل
ختولي يمة شنو تنزلين راسج الها اني اعرف شلون اصرف وياها
باجر اروح الها للمستشفى واحجي وياها
ميقات كومي سويلي لكمة اكلها
كالت بيبي
صيحي فاتن حمامة تسويله شني شغلها
-فاتن حمامة منو
ضحكت ميقات وحسنات
شبيجن
تقصد ع سارة
يا والله بييبي جايبتها فيت
بيبي مااريد مشاكل تسوي الاكل سم علي عوفيها مالي خلكها كومي ميقات حطيلي اكل اكل وراي دولم خلي انام والله هلت موو يوم هذا عبالك سنه مليان احداث
-جدة باجر تروح تحجي وياها انت اكيد
اي بيبي هي عدها شي تساوم علي اكيد تريد بناتها وطلاك
-بناتنه النا مانطيهن ابد لو تنكلب الدنيا
صدك حوراء شلونها
كالت امي نامت سودة علي رادت امها وابوها بجت عليهم كتلها هسه يجون الدكتور اطاها منوم وشربته الها ونامت
-حبيبي هو مايوكع بيها بس الطفل الكبار يعيشون حياتهم طبيعية بس الطفل يتبهذل بين امه وابوه ونفسيته تتعب
