مساء الخير متابعيني الاعزاء ارجع وياكم والجزء الثاني من قصة
#سنوات_من_العمر
للكاتبة ام مصطفى
الجزء الثاني
البارت الاول
مسلم
مثل الصدمة احس نفسي مدا اسمع شي
كتلها
-شنوو شتحجين انت ورود اكيد تشاقين
جاوبت بكل وقاحة
لا مسلم اصحى وشوف اني وين صرت وانت وين ترة الانسان يطور ويتقدم وجنت متصورة اتطور من نفسك وتغير هاي شغلتك بس للاسف انت ماسعيت بهالشي واني صراحة بديت استعير منك
فياريت كلمن يروح بطريقة بدون مشاكل طلكني وبناتي يمي دزلهن نفقتهن
ويدار مدخلج شر
-والله عمي صايرة تحجين وتتفلسفين براسي
جايج ست ورود لان الموضوع مو مال اتفاهم وياج بيه بالمبايل هذا يردله كعدة
-رجائا لا تجي ولااتعب نفسك طلك ولا تخليني اصرف غير تصرف
-يعني شنو الغير تصرف ادزين اخوج هادي يضربني لو ابوج لو شنو التصرف
-لا اكيد موهجي قصدي لا تخليني اوصلها للمحاكم بينا اطفال
ها زين
سديته منها يكولون الضربة الي ماتكتلك تقويك
جريت نفس وسندت طولي اثبت مسلم انت قوي انت الصح وهي مزيفة
لاتخليها تهزك حركت نفسي
مشيت اخذت سويج السيارة وسديت الباب وطلعت
بس جسمي كله يرجف رجف من العصبية يعني شي مجنت متوقعة ولا ع بالي جنت متوقع من ادلل زوجتي ووصلها لهيج مستوى راح تحبني اكثر وتفتخر بيه وتوفيلي
ابد ابد ممخلي هذا الاحتمال ابالي ومجاي استوعب لحد الان ....
صار باب اهلي كبالي كلت خل اروح اسئل خاف صاير شي واني ما ادري
دكيت باب طلعت حسنات بله حجاب فاتحه الباب الي
عطت بيها شكو فاتحة الباب انت وهم مالبسه حجاب بلكت واحد غريب طلع هااا اطلعيله هيج
لا شفت رجليك من جوه الباب وعرفتك
حتى لو مره لخ لا تفتحين انت الباب سمعتي
اي اوكي ع كيفك
فوتي كدامي يله يله
اي
طبت واني امشي وراها صارت امي كبالي وميقات توكل بعقيل بحضنها
شافتني امي
هاا يمة خير وجهك متغير ومصوفر شكوو سامع شي صاير شي
-يمةة هم متعاركات وي ورود وراي
-لا يمةة حتى مشايفيها صار اسبوع اخر مره خذت البنات من الباب وراحت
-وبيبي ماحاجتها
لا وين بيبيتك عمت عيوني كوه تحجي مو تدري ومن العلاج بس نايمة
انتجيت ع الباب خليت راسي ع الحايط كمت ادك بيه
امي كالت اسم الله شصاير شكالت الكم
ميقات حجت من يمها
اكيد ذبت سالفة علينا مو لعيده عليها ام المصايب لهسه ماانسى من ضربت رعد بسجين ع مودها اووف الله يرحمة
درت وجهي ومشيت حجاية ميقات سجين كبلبي صارت ذكرتني بذاك اليوم
صاحت وراي امي اوكف يمةة مسلم احجي شصاير
انداريت عليها ورود تريد طلاك
وطلعت وسديت الباب صعد بسيارتي
اباوع نفسي بالمراية مالت السيارة شبيه شناقصني
وشبيها شغلتي يعني مشتغل زبال شنو معقولة ورود هيج تفكر
اي اي مسلم معقولة ليش كم مره حجتها اثاري تحجي صدك واني عبالي بعفوية تحجي وبدون قصد ثاري لا هي من زمان ابالها وتخطط احتمال لهلشي
مشيت سريع
وصلت لبيتهم
دكيت الباب طلع ابوها
السلام عليكم
وعليكم السلام ورحمة الله وبركاته
شلونك عمي ابو ابراهيم
هله وليدي فوت فوت كل الهلا بيك
طبيت كن ماصاير الشي ابوها تلكاني
كال ورود جوه تفضل تفضل
طبيت وياه
كعد الله بالخير
الله بالخير والعافية
اي وليدي شلونك شلون شغلك
الحمد الله خير من الله شغلي
ان شاء الله دوم بالخير انت من زمان شاطر وسبع انت واخوتك الله يرحمهم
-ويرحم موتاك عمي
طبن زهراء وحوراء يركضن بابا بابا
هلة حبيباتي بستهن
باوعلي الرجال خير بوية شبيك جنك مو ع بعضك
ليش عمي ورود مكلتلك بقرارها
-شنو صاير بينكم شي انت وياها
-لا والله مصاير شي بس رجعت للبيت لكيتها مموجوده خابرت عليها جان دكلي
طلكني
-شنييي شني طلكني هاي انوب ليش متعاركين صاير شي
لا عمي بس حسب مافهمت اني مو من مقامها صرت دكول اني صرت دكتورة وانت عامل بناء مو من مستواي صارت فوارق بينة
-بوية تحجي صدك انت لو تشاقة وياي
-هههه عمي هي مال شقى والله اني نفسك ممصدك وجبت الطريق كوله اكول يجوز تنصب علي بس لا بنتك تحجي صدك
اريد اسئلك عمي من ازوجتها لهذا اليوم
هم زعلتها فديوم اجت اشتكتلك مني مقصر وياها بمصرف بلبس بزايده ناقصة دراستها صار سبع سنوات اني اصرف عليها لو الفلوس الصرفتهن عليها لامهن جان مشتري احسن بيت بيهم
بس اني كلت متغلى ع زوجتي ام جهالي خليها تدرس وترفع راسك بيها يامسلم
-بوية انت والنعم منك كفيت ووفيت ماكو منك وبتي تاكل ..... ترجع وياك مثل الن...ع ل اذا هالحجي صدك
ورووووووود ورووود
كام يصيح عليها بس اباوعله يرجف كام وجههه صار اصفر حتى خفت لا يصيرله شي بسببي
طبت هي لابسة تراكسود احمر ولابسة ذهبها بركبتها وامكيجة واطك بعلجها
ووراها اخوها ابراهيم طب وامها لزمة الباب
-ها بوية خيير
كام الرجال ع حيله
ورود صدك هالحجي الي كالة رجلج
-شنو شكال
انت طالبة طلاك
-ايي يابه
-ليش شنو شصاير
-يابة مسلم صار مو من مستواي اني دكتورة وهو عمالة شغغ
بعدها ممكملة ضربها راشدي يمكن طير عينها
راح لزمها من شعرها لج اني ربيتج هيج
امشي شيلي جنتج وارجعي وي رجلج
لا اذبحج خلاص
وامااشوف وجهج هنا بعد دكتورة دكتورة ع روحج بنت الكلب
حجة ابراهيم يابة حقها ترة وبعدين هاي حياتها وهي تختارها ميصير انت تجبرها
واكيد هي مااخذت هيج قرار اله وهي ممرتاحة عنده
هههه ضحكت بكلبي هسه صارت عزيزه وين الي جان معاديها ويريد يبطلها هسه من صارت دكتوره حبها وكام يدافع الها اي بوية مو دكتورة يعني كصب فلوس من الناس
كمت وكفت
عمي مشكور وماقصرت واني المايردني مااريده هم
بنتك يمك وبناتي اخذهم وياي
وحق هو العباس وحق هذا كلام الله اذا طلعت ومااخذتها اذبحها حلال ع ايدي اخذها ترة اكتلها وخطيتها بركبتك.
الزلمة يرجف ويحجي
بويه هاي مرتك تكتلها تذبحها تبطلها من المستشفى تحبسها انت مخول وكلشي تسوي بيها حكك
صاح ابراهيم شجاك بويه شنو هالحجي
سكته اسكتت لا اطيح حضك
حجت امها شني كوه خوما كوه ماتريده البت صار سنين كوه عايشةوياه ع عمة عيونها
التفتت عليها ليش ع عمة عيونها ماخذها كوه منكم فصلية جابرها لو جانت تخلص الدكتورا براسي
تحركت جريت زهراء
صاح انه حلفت وكلت اذا طلعت بلياه هسه اذبحها وخطيتنه كلها بركبتك ...
سارة
احجي وي امي وجابتها ع حيدر كالت ماتصالحتوا انت ورجلج
يمةة شنوو رجلي اكلج طلكني اطلكنا لا اجيبيلي طارية
-طلاكيش هذا مو طلاك الطلاك لازم يصير بحضور شهود هذا طلاك ساعة عصبيه وكفيان شر انت حاطة نفط ع نفسج احرك روحي لو تكول طلكني
هذا باطل
ثانيا ممطلكين يم سيد ولا محكمة بعد طلاكيش
صدك تحجين يمةة
-اي والله سئلت رجال دين يمنا كال هذا باطل مو طلاك
لا تخبليني يمةة
شبيج سارة يمةة شنو فلم لو مسلسل ويكلج طالك وخلص اطلكتي
يمةة صالحي رجلج وخلي خيمة عليكم
-مستحييل لو اموت يمة نفسي عزيزه علي كولش ترة ومااذلها بعد ابد
-انت لو بس تفهميني شصار بينكم
حجيت بكلبي هسه شحجي وي امي بالله اكللها يحب ميساء بنتج وع مودها تعاركنا
-مو احاجيج سارة شصار بينكم
-يمةة يحب وحده وياه ومايريدني
-يمة خلي ياخذها خطيه هو هم انظلم واذا مالج نفس بيه خاي بس اسمة رجال وتحت ظله
-يمةة اني ماناقصني شي اكدر اربي جهالي بيدي
ومن باجر اروح اقدم سادس خارجي
وامتحن وانتكل ع نفسي اكمل دراستي واتوضف شعندي مدكليلي
اشو ورثي من حصة ابوي بالبيت كلها صارت الي وحصة عقيل الي هم
وراتب ارامل عندي واكعد واسكت خير من الله يعني اله رجال يله الوحده تعيش
-شحجي وياج بكيفج
-اكلج يمةة شوكت عرس ميساء
هالاسبوعين تعرس ان شاء الله
-الله يتمم الها ع خير شلونها وياه مرتاحة
اي كلش وفرحانه خوش رجال يمة الله عوضها بيه
بس يمة. اريد اكلج ع سالفة واخذ رايج بيها
-شنوو هي
جدتج كالتلي ليش ماتاخذين ميقات لوسام
-شنووووو لا لا يمة لاتضليها وتضلمين وسام مثل ماظلمتنة بيبي
لا يمة لا تعيدين الغلط مرة ثانية
بس يمة سارة وسام من كتلة ماعارض وكال بكيفج يمة ومبين قابل يعني بالعكس شفته فرح
-حتى لو يمةة ابد لا تسوييها
مادري شكلج يمةة الله كريم ابنج شلون صار
-زين ع حطت ايدج بعده بجبس والله كريم
سديته من امي بس شنوو كمت افور فور
منا حجي امي صح ميعتبر طلاك واني اريد ارد كرامتي ومنا شغلة ميقات ووسام
فرت فوور
كلت لملاك ابقي يم اخوج اني نازله هسه اجي لبست حجابي
ونزلت جوه
كبل ع غرفة حيدر فتحتها وطبيت عليه
شافني تفاجأ
خيير شكوو
طلكني حيدر طلكني
شنو طلكني غير طلكتج
-هذا مو صح الطلاك جذبي طلكني عند السيد هسه نروح لسيد ونطلك
-وانت ليش مصرة ع الطلاك شعندج
-بكيفي اريد اتخلص منك مااريد ابقى ع ذمتك بكيفي اريد اتزوج اريد احب باجر عكبة مااريد ابقى ع ذمتك طلكني
وللحكاية بقية ام مصطفى
