#سنوات_من_العمر
للكاتبة ام مصطفى البارت التاسع
جنات طلعت للشارع وهو وراي جنات تعاي طبي عليج الله لا تعاندين ارجعي لا اشلعين كلبي
التفتت علي
-وليد ماارجع اذا ماتلكة شغل وتشتغل اطلع اشتغل وتعال اخذني تعبت ترة مااتحمل هاي الوضعية بعد
مشيت سريع لبابنا ودكيته حيل
وهو وراي جنات تعاي احجي وياج
طلع عقيل فتح الباب سلمت عليه وفتت جوه
سد الباب واجة وراي
-ها شبيج باجية شنو وشبيه هذا يركض وراج شصاير
باوعتله وبجيت وطبيت ع غرفة بيبي جانت امي كاعده وياها
طبيت كعدت بالكاع ابجي
-هاا جنات خيير شبيج
-بيبي تعبت رجلي كاعد ميشتغل وبس يطير طيور وهو عمي ع طول يتعاركون حتى ع الاكل
واني احس حتى ع اللكمه مذلوله لان رجلي مايشتغل عمي ليل نهار يحجي ويسمعني حجي واروح احجي وي وليد حتى يشتغل بس ماكو فايد
هسه كتله رايحة لهلي من تشتغل ارجع
حجة عقيل
-غير مطيرجي شلون يعوف طيورة ويشتغل هو لوما سوايتج ازوجج اله
اتحملي اختيارج وغلطتج
وطلع من الغرفة بعصبيه
صح والله استاهل اني استاهل الي يصير
-بس يمة كليلي شسوي
-اووف منجن ومن سوالفجن البنات هسه شنو انت جايه زعلانه يعني
-اي وماارجع اله يشتغل
حجت بيبي
-اكلج تجين تزعلين يوم يوم وتردين ماعدنا مره تطلك لو تزعل هواي سمعتي
-اي بيبي افتهمت
شلت عباتي رحت ادور ع البنات
كاعدات بغرفة حسنات يسولفن ويضحكن هنيالجن مامتزوجات شجاني وانزوجت وورطت نفسي لو ظالة يمهن مو احسن
طبيت للغرفة شافني كامن
هلوو جنات
ميقات كالت
شنو شبيج باجية شنو
.-اي اووف شحجيلجن
سارة كالت شكو شبيج
-تعاركت وي وليد
-يبووي ليش ولج
-وج خبلني مكابل الطيور وكاعد لاشغل ولا عمل متت حصرة علي الربع اذا اريد يروح يجيبلي من امه ويجي
-يا شبيه هذا مايحس شنو
-ايي كلش ماكو احساس والله خبلني وتعبتي
دك مبايلي وليد
هاج شوفي خابر
-شيريد
-كلي ارجعي هسه بس والله ولا اجاوبة خل يطلع يشوفله شغل مو رجال هو بزعت منه
مسلم وصلتها لراس دربونتهم ورجعت للبيت
قررت افتح الموضوع وي امي وتروح تخطبها الي الحمد لله اني عندي مجمع فلوس العرس كله خير من الله
صح احنا عمال بناء بس شغلتنه خيير من الله كل بيت نلزمة نطلع عشر ملايين اثمانية ونتقاسمهن بينا والحمد لله عندي خوش مبلغ بس شغلتنا تعب كلش
ماتنحمل ..
رجعت للبيت
لكيت جنات بالبيت من يوم الي شفتها وي وليد المطيرجي احس كرهتها ونزلت من عيني صح اعتذرت وصالحتها بس ابد ماانسى الموقف الي شفتها بيه ..
سلمت عليها
-ها جنات شلونج اليوم هنا
-اي اجيت اشوفكم
-ها هلابيج مادامج هنا
خلي افتح وياكم موضوع
انداريت ع امي
يمةة اريد ازوج
-اي يمة صلوات يوم عيد عندي علواه من باجر اشوفلك مرة اذا تريد
-لا يمة شايف بنيه واحبها وعاجبتني واريدج ترحين تخطبيها الي
-منين هاي نعرفها
-لا متعرفوها وحده اني شايفها واريدها
-ياا يعني تحبها
-اي يمةة واريدج ترحين تشوفيها انت والبنات
-عليمن رايحة بعد اذا انت شايفها وتريدها
-يمةة شلون غير ترحين انت تخطبيها من اهلها وتحاجين امها وانوب الرياجيل تروح
-زين وين بيتهم
-بالبياع
-بالبياع شجابك عليها
-اشتغلنا ابيت وهي طالبه تروح وترجع وشفتها وانعجبت بيها
-ها هيج كلي
-هسه شنوو ترحين
-غير نسئل عليها ع الها هيج كبل نروح نخطبها
لا سائل واعرفها ومراقبها بنيه فقيره وعاقله واخلها خوش ناس
-خوش اكل لخوتك واخذني الهم اني وميقات
-واني هم اروح يمةة
وجنات هم ناخذها
ميقات حجت
اكلك مسلم حلوه عليك الله
-اي حلووه تخبل وتدرس
-بيا صف
رابع عام بس شاطره كلش!
-وانت شمدريك لازم مكبل وياها
-اس ولج مالج شغل
كمت وعفتهن جنت حيل فرحان خل اخطبها واخلصها من اخوها
ورود تستاهل حلوه وحبابه ومؤدبة وتحبني واني احبها
يارب بس كون اهلها يوافقون
