#سنوات_من_العمر
للكاتبة ام مصطفى
البارت الثالث عشر
جنات
مسلم وكف ع راسي ضل يعد ويصف بالحجي عاد بيبي كلتلة عوفها خل نشوف بالله شيسوي اذا نفذ اشروطكم نرجعها واذا لا عود نطلكها
-لا بيبي مااريد اطلك فدوه
-اسكتي لج مو بكيفج بعد بكيفنا ع كولة بيبي نشوف شيصير
بيبي -: ولك مسلم وين مختفي خذتك مرتك كلش تصخمت وتجيرت كون
-بيبي وين اخذتني اجي العصر تعبان اكل لكمة الف راسي وانام والله متت شيخلصها هاي شغلتنا تموت جسمي احسة مكسر
-الله يساعد وانوب اخذتلك وحده لا تدلكك لا تداريك مبارك كاضه كتاب وكاعده ولك بيبي بطلها خل تداريك
-بيبي اني مواعدها وبعدين هي شاطره وماضل شي تخلص اريدها اطلع معدل حتى تصير دكتورة بلكت ارفع راسي بيها
-احنه راسنا مرفوع من يوم يومنا مو هاي تجي الزعطوطه ترفع راسنا
-لا موقصدي هيج بيبي بس ع الاقل زوجتي وام اطفالي دكتورة وباجر اطفالي تفتخر بامهم ها صدك نسيت اكلكم
-خير شنوو
-بيبي ورود حامل
-يا من صلوات ع محمد
-اي والله بيبي
الف مبروك جده
-الله يبارك بيكم.
ميقاات
رعد احسة شال مني وميباوع بوجهي تره محجيت شي غلط صدك هي امه بوكت الفلوس والمرض ذكرتهم والله ياالله اووف هسه شسويله
خل احجي وياه اجرب
-رعد اكولك عود صدك وليد طافر ع بتت ابو جواد
-ماادري
يحجي من وره خشمة وحاط عينه بمبايله
-شنو شبيك ضجت مني
-انت شتكولين
-محجيت شي غلط ولا سويت شي
-ها وكلامج عن امي
-حجيت الصدك
-ميقاات مااسمحلج سمعتي امي تبقى امي ومااقبل احد يحجي عليها بكلمه وحده هاي وحده
وفلوسي بتعبي جايبهن بكيفي اشمرهن بالزبل احركهن اطيهن لامي لبيبي للجيران فلوسب بكيفي ماتدخلين
-ليش ماتدخل مو زوجتك اني مو ام ابنك وهاي الفلوس من حقنا مو من حق امك
-ميقااات كتلج لا تحجين ع امي
-تره محجيت شي
-كافي سدي الموضوع مااريد اسمعج شي ميعجبج مع الاسف عليج ماعرفتج هيج
-هففف شكلت هسه
-يعني عقيل احسن مني يتبرع ب٥٠٠
-تلكة سارة اكلت راسة اكيد غير لامها وعقيل يسمع كلامها
-جاي انصدم بيج يعني هسه امج لو مريضة وتحتاج عملية ماانطيها اني عقيل ميطيها
-والله امي تستاهل واحد يطيها كسرت ضهرها علينا وكعدت مو امك ذبتكم وراحت تركض وره الرجال
-ميقااات 👋👋🤛
-اخخخ تضربني رعد
-واكص لسانج لوعدتيها سمعتي
اخذ مبايله وطلع واني كعدت ابجي هاي تاليها رعد تضربني بسيطة
اهئ هئ
سارة
طلعت من غرفتنا صار بوجهي رعد عصبي ويرجف مدري شبيه
-شكوو شبيك رعد
ماكو شي حضري روحج باجر من الصبح نروح لامي سمعتي
-اي ان شاء الله بس انت شبيك عصبي
-ماكوو شي مالج شغل
عافني ونزل
عرفت متعارك هو وميقات صراحة ماحبيت موقف ميقات ولا توقعتها هيج عدها نفس
رحت اشوف شبيهم وصلت للباب اسمعها تبجي رجعت كلت اعوفها تهدأ
نزلت جوه اشوف جنات خطية شصار وياها
لكيت حسنات تغسل بالحوش هاي شسوين
مثل مشوفين ضوجه كلت اغسل الحوش
ولج بارده
ميخالف عادي ردت اسبح وشفت الحوش وصخ كلت اغسله واسبح
عاشت ايدج اكولج جنات وين
بغرفتي تبجي
يبوووي بعدها
ايي عيني تحبه لوليد المطيرجي امداها عافت الزلم كلها حبت مطيرجي
-اسكتي انت معليج بيها قسمتها هاي بعدين تره وليد يحبها بس ماعنده حض هو هذا عيبه
