#سنوات_من_العمر
للكاتبة ام مصطفى
البارت الرابع عشر
سارة
سوينا لامي عملية وطلعناها يمنا بالبيت لان متكدر تروح لبيتها جان بعيد وتعب السيارة فكال رعد يمنا تبقى بالبيت
فرغنالها غرفة حسنات لان جوه موقت تنام هي وميساء بيها
خطية امي بس تبجي وتدعيلنا
ماتتصورون شلون شعوري مااكدر اوصفة واني اداري امي وانام يمها وهي تدعيلي واحس بحنانها اتجاهنا اني ورعد الحنان الي فقدنا طول هاي السنين
الحمد لله رعد وعقيل وعمتي والبنات كلهم مقصروا وي امي ابد وكلها تعاملها معامله زينه
ميقات
من طلعت ام رعد للبيت فرغولها غرفة حسنات جوه
صعد رعد فوك جنت اسفط بالملابس وتقي يلعب بالكاع يمي بالالعابه
طب للغرفة رعد بس شايل علي كأنما ميشوفني ابد
دنك ع تقي وشاله كام يبوس بيه بعدين نزله بالكاع
ذب ملابسة وطلع ملابس داخليه وخاولي بهدوء ولا عبرني وراح للحمام
متت احتركت حرك يعني شنو متجاهلني شدعوه عليه هسه شكلت اني عمة ياحجاية ردي بمكانج اووف
كمت اشمر بالملابس من حركة كلبي
تالي لميتهم
طلع لاف الخاولي علي
وبدل ونزل ولا كلمه. حجة
شلت ابني وهم نزلت وراه
طبيت ع غرفة حسنات تحمدت لامه بالسلامه جان شكلها حيل تعبان
عمة شلون صرتي هسه
والله يابنيتي وجع وجع مو طبيعي
الله يكومج بالسلامة
الله يسلمج يمة ويوفقج ويحفظ رعد الج والي ويخلي حيمة علينا لو ما هو جا اني ميته جان انفجرت مرارتي الدكتور كال جاي تنفجر زين وتلاحكتوا وشلتوها
-لا عمة صدك جذب غير ابنج قابل غريب هو
كامت تبجي
شكد فشلت جان رعد. كاعد ويبوعلي ومقهور
شجاني هسه اني ولا الزم الساني اووف
من فشلتي كمت لزمت الغده سويته اني وماصعدت لغرفتي ابد بس مكابلتهن وكاعده اووف دومي اسوي اشياء واتندم عليها
بالليل صعد رعد
تمدد ع الجرباية اجيت عليه رعودي اسفة لا تزعل مني والله اني دورات مااعرف احجي والساني طوويل كلش ماالزمه بس كلبي طيب والله هسه شكد انقهرت ع امك من شفتها
-ميقات هاي الخصله بيج مااحبها ابد السانج طويل ومو كل مره تسلم الجره
واكولج هاي امي مااتخلى عنها اذا طلبت عيوني اطيهن الها اني ما صدكت ترجعلي ترديني اعوفها تموت
-كتلك اسفة
-خلص قبلت اسفج تعاي لحضني شو اشتاقيتلج صار يومين حضني فارغ
-امم كلش اشتلقيتلي اتقرب منك وداير وجهك مني بالليل مطيني ضهرك شكد قاسي
-احسن حتى ماتعيديها بعد
لا مااعيدها والله خلص امك مسؤوله منك شلي شغل اني عسما تطيها البيت كوله هذا
سارة
راحت امي لبيتها بعد مااشافت ومكانها والله خالي بقت اسبوع يمنا بس حيل تعلقت بيها
رجع حيدر من المدرسة
طب يتبصبص
شسوي استاذ حيدر
اختج الصاكة نايمة كاعده
-راحت
لا عليج الله
اي والله راحوا
ليش هيج راحت وماودعتها ولا شفتها
-لك انت ولا تستحي صاير
-شبيج اقصد مرت عمي عليها احجي
-هاا اي مبين
-اكولج عدها مبايل
خزرته منوو ولك
-مرت عمي شبيج
وشسوي بيه
كلت اطمن عليها اخابرها طلع مبايله رديلي رديله
اخذت المبايله وضربته بيه امشي لك جاي تقشمرني
