#سنوات_من_العمر
للكاتبة ام مصطفى
البارت الاخير من الجزء الاول
سارة
من شفته يكسر ويغلط ويسب كرهت نفسي تمنيت اموت واخلص ولا انحط بهذا الموقف
وكفت كبالة كافي تسب كافي اعرف تكرهني ادري بس اني شنو ذنبي فهمني كلي شنو ذنبي بكل الي صار
بيبي حكمت علينا وانت رجال الي رجال مكدر تكسر كلمتها
-انت السبب انت فرقتيني بيني وبين حب حياتي انت اكرهج اكرهج اتمنى تموتين واخلص
-واني ترة ماميته عليك سمعت اني اظفر عقيل ماابدله بالف واحد مثلك سمعت
-شنو مثلك شنو قصدك
-انت اناني وماعندك لارحمه وذمة ولا ضمير. مارحمتني بيوم ماكلت شنوو ذنبها حرام عليك حرام
طلكني طلكني حيدر
-ههههه مصدمة روحها مزوجة
وخري مني ساره شياطين كلها تكمز كبالي وخري لا ابتلي بيج وخري
لزم المبايل دك ع ميساء
ميساء صدك الي سمعته
ميساء بس انتظري بلكت تنحل
احجي وياج لا تسديه بسرعة بعتي حب سنين ليش ماتحسين بيه قدري موقفي
الوو ميساء
شمر المبايل وكسرة
طلكني حيدر
ياريت امنية حياتي هاي
شلت رضا بيه مابيه مااعرف شلون كدرت اشيله
وعطت ع ملاك اطلعي من الغرفة بسرعة
شلته وصعدت فوك ذبيته ع الجربايه
طلعت من الغرفة اصرخ
نزلت جوه
وين بييبي
عمتي وميقات صاحن شبيكم شجاكم
وين بيبي طبيت لغرفتها
بيبي خل يطبكني لو احرك روحي
ياهوو ولج حويدر شسوالج
بييبي كتلج اذا مطلكني احرك روحي مااريدني يكرهني يحب اختي ميساء!تخبل من سمعها راح تنخطب اتخبل علي
بييبي حرام عليج الي تسوينه بيه ملفي تذليني هيج جيبي القران احلفلج ماازوج غير عقيل ادري بيج تخافين اصير مثل امي وازوج
بس لا والله وحق القران. الفراقان ماازوج بس خلي يحدر يطلكني
-شبيكم شصاير شني يحب اختج سالفة جديده هاي
-لا بيبي مو جديده كل البيت يعرف هالشي اله انتي صار سنين يحبها ويريدها
وليش ماكتولي ولكم. مناعيل الوالدين انه اخر من يعلم شني
بييبي ابوس ايدج كافي ذالتني لاتصيرون انتم والدنيا علي
كامت وكفت لزمت عصاتها تتوجه عليها وتمشي وينه حويدر
كامت ترجف وصارت شفتها بيضة
وينه حوويدر.
مشت للغرفة فتحت الباب شافت الغراض مكسرة وهو حاط راسه بين رجليه
ها ولك تبجي ع مره حسبتك رجال وتحس بالمسؤوليه مع الاسف طلعت موش زلمة
بيبي مااريدها افهمي مااحبها
اسس تريدها وغصب عنك وسفة عليك ع مود مره تضحي بمرتك وجهال اخوك
وسفة وسفة طلعت مو كدها
كام وكف
بيبي مو بيدي كلبي يحب غيرها انت ماتفتهمين ماتعرفين شنو حب
اني جاي اموت الف موته ع حبي الي ضاع بسببها
-بلاه حب بله سوالف جهال هاي مرتك جر عدل وياها لا وحك علي اطردك من البيت كله
-بيبي مااريده كتلج خل يطلكني وهسه
-اسكتي انت
-لا مااسكت مااسكت
ركضت للترك شلت دبت النفط وسبحت نفسي بسها طبيت للمطبخ
اخذت جداحة .شافني البنات حسنات وميقات شجاي تسويين
ولج تخبلتي
شجاج سارة
خل يطلكني لو اشعل بنفسي هسة
اجت بيبي تمشي
سارة جده لاتسوين هيج محد يستاهل تحركين روحج عليه جده
شجاج اطيني الجداحة
طلع هو
سارة تخبلتي شنوو تره الحب مو كوه
-ومنو طلب منك تحبني اني اكلك طلكني
طلكني حيدر وروح رعد وعقيل اذا مطلكني هسه احرك روحي وخطيتي وخطية جهالي بركبتك ليوم الدين
