#سنوات_من_العمر
للكاتبة ام مصطفى
الجزء الثاني
البارت الرابع عشر
مسلم
امي اسبوع تلح علي حتى اروح وياها اكلت راسي هي وبيبي
تالي رحت
شفتها البنية يعني مو ذاك الجمال وساكته جانت ولا كلمة
امي كالت ها عجبتك
يمة مو مهم عجبتني لو لا عادي اي وحده ازوج المهم همه شوفيهم
ومن هسه كوليلها اهم شي بناااتي وطلعة برة ماكو دراسة ماكو اخذها اني لهلها كل ماتريد تروح وارجعها بيدي
كليلها عامل بناء شغله يوم عدة واسبوع لا كليلها عصبي وماتتحمل
-ياا شجاك يمة جنك مااتريدها
-يمةة حطي شروط من البداية مو تكولين ماكتلج وبناتي اهم شي
-زين اكللهم
رجعت للبيت البنات يلعبن حبل شافني ذبنه اجه بابا اجه بابا حضنتهن
جنت من اشوفهن ينمرد كلبي عليهن مرد
شنو ذنبهن انحرمن من حنان الام
البنية تحتج امها اكثر من الولد دائما
-ها بابا صدك راح تزوج غير ماما
-منو كلج
-ملاك دكول ابوج راح يجيب مرة وتكتلجن مثل مرت ابو ساندرلا وتخليجن تشتغلن الها
لا بابا ختولي تجذب عليجن صح ارح ازوج بس محد يأذيكم واني موجود
صحت ملاك ملاك
اجت ها عمو
لزمتها من اذانها شكايله للبنات ولج شنو راح ازوج وحده تضربهن
هي عمة حسنات كألت راح عمو مسلم يزوج
اي وانتي الفتي قصة بعد مااسمعج تحجين هيج حجي كبار سمعتي
يله اصعدي فوك امشي
ركضت فوك حيل غثتني
حيدر
كمت من اتصل ع اريج مجاوب وهي
ابد مكامت تتصل علي
حجيت وي حسنات
-شنو شصار بالموضوع
-والله حيدركتلها وكالت ماافكر اني بالزواج حاليا
وحتى احسها ابتعدت مو مثل قبل ما تتصل هواية
عوفيها ع راحتها وصل الجواب
-انطيها فرصة تفكر وان شاء الله تصير من نصيبك
الله كريم بس انت بعد لاتفتحين وياها الموضوع ابد عوفيها ع راحتها
اوكي.
مسلم
حددوا موعد الخطبه واني مالي اي واهس كوه علي بس اكول هاي هيه لازم حياتي تمشي خوما تتوقف ع ورود بلكت الله يعوضني بيها وتطلع بنت اوادم وتخليني احبها
سئلت امي هي ليش مطلكة ؟
كالت خطيه هي فقيرة حييل بس حمواتها لاعبات لعب بيها يتحمن بيها ويضربنها ومسويات حصار عليها لا طلعة لا طبه ويدخلن بكلشي بيها
ورجلها دكول طرطور يسمع كلام اخواته وامة. واخر شي كاتلاتها وجايه زعلانه ابوها مجلب بيها وطلكها
-ها خطية زين سئلتي عليها
والله ام مهدي تمدح بيها
ام مهدي خالتها يعني اكيد تمدحها يمة اسئلي جيرانهم احد .اي اي اسئل اكيد
ميقات اليوم خطوبة مسلم
حفيت وصبغت شعري بالصالون وكصيته مدرج واشتريت نفنوف حلو واجيت للبيت
طبيت لغرفتي بدلت ومكيجت
دخل وسام شافني
ضل صافن علي
شنوو هاي شمسويه بروحج
-تغيير ع مود عرس مسلم حلوه
-بس حلوه طالعة ملاك
-شكرا والتفتت ع الميز المكيج
اجع وكف بضهري
ليش ضامه هذا الجمال علي ليش حارمتني
-اممممم ما حارمتك هياتني يمك
اريدج يمي بجسد وروح
-واني هيج جرني خل اشوف بالله ...
