#سنوات_من_العمر
للكاتبة ام مصطفى
البارت ٢٣
حيدر
لا حول ولاقوه اني امام قرارت بيبيتي مااعرف شنو من انسانه فارضة شخصيتها واحترامها علينا فرض ومنكدر نحجي كلمة وحده ولانعارضها ابد هسه تدكولون ماعدكم شخصيا لا والله بس يم بيبي حضنا يطيح
رحت طبيت للغرفة لبست ع السريع البس واسئل نفسي شلون راح اشوف ميساء شلون اخلي وجهي بوجها
اشتاقيت الها اخخخ
لبست وتعطرت وطلعت
صاحت بيبي علي
حييدر
ها بيبي
تعال ولك
شنووو
عدك فلوس خايب
اي يعني عندي كافي
هاك اخذ طلعت جيس فلوسها الي حاطته بركبتها هاك فلوس واخذ سيارة مسيلم
بيبي خاف مايقبل
مو بكيفه مايرضى شو دخابرة بهذا التليفون العدك خل يجيني بساع
اي بيبي هسه اخابرة
الوو مسلم تعالي بيبي تريدك .
خير شصاير
ماصاير شي بس هي تريدك تعال وانت تعرف
يله جاي
خمس دقايق طب مسلم
ها بيبي خير دنك ع ايدها باسها
مسلم جدة سيارتك عدك شغل بيها
ليش بيبي
مو ام رعد مريضة يكولون ودازه ع بتها خاف يصير بيها شي وتضل بنفسها ماشافت امها. كلت حيدر ياخذ ساره ويرحون يبات هناك ويرد باجر
خل ياخذها عادي اخذ تكسي واروح لشغلي
اي جده فدوه رحتلك
اي بيبي بخدمتج اني وخدمة ساره تردين شي .
اي جده اطي لسارة فلوس خاف هناك تطي لمها تشتري شي كون عدها فلوس بيدها
صار بيبي
سارة سارة تعاي
ها خوية .. هاج هاي فلوس خليهن بجيبج مصرف الج
رحم الله والديك بس شسوي بيهن حيدر رايح وياي اذا احتاج اخذ منه
لا حيدر تدرين هسه وضعة شلونه ان شاء الله من يتعين بالصحة مراح يقصر وياج ووياي اكيد راح يعوضوني هو ووورود وارتاح والله احس حيلي انهد
اريد اتعين بالشرطة بعد واعوف البناء
بعد اذا حيدر توضف وورود توضفت ماعندي شي الراتب يكفيني خير من الله
ان شاء الله خوية الله يعوضك ويفرحك. بمرتك
-رحم الله والديج
ها بيبي تردين شي رايح انام تعبان
لا جده روح كون الحسين يحفظك لشبابك ياجدة ويريح كلبك
دنك ع ايد بيبي باسها وراح وهي تدعيله
اووف ميته قهر ع مسيلم
ليش جده
وكع بهيج وحده ولا مرتاح وياها ابد
جده يحبها يموت عليها
عليمن يحبها ع رفعة خشمها ع وصخها من امداه
ها بيبي ستوج تمدحيه وتدعيله
اسكت انت مالك شغل بكيفي انه امش ول مني واخذ مرتك وروح
حجة ع كيف
جده بعد جددتك اجبر بخاطرها اشتريلها شي بالطريق كللها كلمه حلوه خطية يتيمة ومالها احد الله يجبر بخاطرك ياجده
-اي جده صار
طلعت منها
صحت يله سارة
اي جاي اجت تركض وتتعثر بعبايتها انقهرت عليها صدك هي فقيرة بس شسوي الگلب ومايريد بس اباوع بوجها اشوف ميساء اختها واكرها لان هي فرقتنا
طلعت السويج
شغلت السيارة فتحت الباب الورة
صحت وين وين تعاي ليكدام اكعدي
لا لا عوفني وره
اصعدي رحمه لربج قابل ماخذج تكسي شنو امشي اصعدي يمي
اجت صعدت سدت الباب واني مشيت بالسيارة
باوعت عليها عيونها ورامة
شبيج باجية شنووو
اي
ليش خير شبيج
شفت رعد بالحلم وبجيت
جريت حصرة الله يرحمه يارب
مشيت سريع لان الوقت متاخر العصر كلش كلت حتى اوصل بسرعة
ساعتين وصلت لان جان ازدحامات
كتلها خابري شوفي امج بالبيت بالمستشفى
دكت متجاوب
مجاوب امي
اكيد متجاوب دكي ع ميساء
سكتت
شبيج
مو ميساء متحجي وياي
جرية حصرة
ليش ع مودي
هزت راسها اي
دكي ع الولد
هسه ادك ع وسام
دكت جاوب
وسام امي بالبيت طلعتوها لو بالمستشفى
لا بالمستشفى بعدها
زين جايين احنه وصلنا هاك حيدر اوصفله المستشفى
حاجاني دلاني ع المستشفى وطلعت بوجهي الها
وصلنا كتلها انزلي ذاك اخوج وسام منتظرنا اباب المستشفى
شافته ونزلت طبكت السيارة اني
ونزلت وراهم يتسالمون جانو واني هم سلمت ها بشر شلون صارت
بعدها نفس الوضع
شنوو عدها هي
نحجي ونمشي
والله خوية عدها ابو صفار بالكبد ومتاذيه كلش وجاي تتعالج والله كريم
وصلنا للغرفة
فتحت الباب سارة فاتت وفتت وراها وتصير ميساء بوجهي
شافتني ارتبكت
اتسالمن هي وسارة كوه بس كدام امها واخوها
سلمت عليها
جاوبت هلة خوية
زرفت كلبي بحجايتها
بعد الحب وبعد العشرة نلتقي مثل الاغراب
صفنت بوجها وهي نزلت دمعتها بسرعة مسحتها
سارة حاضنه امها وتبجي ووسام وصلنا وطلع يجيب معذي الها
ضليت واكف مامنزل عيني منها
راسا عافتنه وطلعت
ردت اطلع وراها بس احاجيها نسيت كلشي كلبي هو كام يقودني
مشيت
طب وسام جايب المغذي بيده ووياي السستر
فاتت تخلي المغذي
٠بقيت ع وكفتتي بعد تعوذت من ابليس
شكد ضعفت كدامها انهزيت هز
ضليت كاعد لحد ماصار الليل
وسام كال نروح للبيت امشي انت وسارة باتو هتاك
اي والله ياريت
سارة كالت ابقى يم امي اليوم ابات
ميصير مرافق واحد يبقى يمها وميساء يمها
خل تروح وياكم واني ابقى
لا سارة ميصير ميساء تعرف علاجها. ووقتها
امشي ويانه وباجر هم ارجعيلها
طبت ميساء اطتني ضهرها
سارة كالت الها خل ابقى اني يم اني وانت روحي وياهم .
لا لا متعرفين لعلاجها
زين لعد يمةة اروح اني باجر الصبح اجيج
روحي يمةة الله وياج
طلعنا من الغرفة بدون ماتباوعلي ميساء ولا نظره متها
رجعنا لبيتهم بتنا يمهم بس كلبي احسه يريد يطلع من جسمي والله اريد اصرخ اريد اطلع حركة كلبي
ثاني يم الصبح هم رجعنا للمستشفى
بقيت برة واكف وسارة فاتت
اجت ميساء بيدها العلاج
شفتها صحت عليه ميساء
باوعتلي خير
شلونج
من الله زينه
مشتاقلج
حيدر انت زوج اختي لا تنسى
فاتت جوه .
شلون انسى مو هو هذا الكاسر ضهري تمنيتها مو اختج جان ماعفتج لو ع كص ركبتي
مسلم
كعدت الصبح
كعدت ورود يله كومي ورود سويلي ريوك
اي اي
كامت واني كعدت البنات ولبست خلت ريوك بالكاع وراحت تللبس واجت تتريك مكابلتني
اكلج ورود روحي اليوم نفرات
شنووو ليش عيني
مو السيارة مو عندي
لعد وين
حيدر اخذ سارة وراح بيها لمها للنعمانية
-شنوو لا بالله وانت شلون تنطي سيارتك ها مكفاهم الفلوس الي يجروها منك هنوب السيارة والله يا الله هسه كلي شلون اروح
اخذج اني بتكسي بس اسكتي
لا مااسكت اشتريلي سيارة الي لوحدي اني احتاجها
لا والله انوب سيارة
ست ورود
اني دكتورة ورود والسيارة تلوكلي
ضحكت مرات احبها من تشوف روحها
اي عيني ليش لا تجيج السيارة
صدك مسلم عليك القران
اي والله بس بالاول اشتري لحيدر سيارة
وانت وراه
وحيدر شكوو تشتريله مو رجال هو ويدبر روحهه
هدية تخرجكم اثنينكم اشتريلكم
بس الزم بيت زين اخذ لحيدر وبعدين الم الج بس انت قللي مصاريف والله نهبتيني بالشرايا
شسوي حبيبي تعرف دكتورو ولازم اكشخ يومية شكل
تلوك الكشخة الج حبيبتي
ديله لبسي البنات اودديهن لامي
حيدر رجعت طااير مقهور وكل شويه اوكع بطسه
سارة ع كيفك حيدر راح تكلب السيارة بينه شجاك
ياريت تنكلب بينا واموت واخلص ولا هالعذاب الي عايشة
شبيك حيدر. متعرفين شبيها حب حياتي ضاع مني والسبب انت
حيدر اني مثلك ضحية حالي من حالك ليش هيج تقسة وياي مارايده شي منك بس لا تعاملني هيج ردتك عون مو فرعون حرام عليكم حسوا بية اني هم بشر ومن دم ولحم مو حديد
انوب انقهرت عليها مشيت كل قوتي حركت السيارة حرك لحد ماوصلت للبيت
ذبيتها ورحت لغرفتتي حبست روحي بيها
بعد مرور كم شهر
سارة
طلع رضا يشتري وتاخر
طلعت مديت راسي وراه من الباب
اشوف هوسه وناس ملتمه
الجم كلبي
صحت ع جاهل كتله شكوو
كال ولد اندعم وخذوه للمستشفى
راسا انخمش كلبي
ركضت لبست عباتي وامشي واسئل
شافني جيرانه كال ابنج اندعم واخذوه للمستشفى
سمعت هيج كمت ادك والطم
رجعت للبيت اركض حيدر وينك رضا اندعم
وللحكاية بقية ام مصطفى
