#سنوات_من_العمر
للكاتبة ام مصطفى
الجزء الثاني البارت الخامس
مسلم
دخلوا حوراء يخيطون راسها وهي تصرخ اسمعها
كوه واكف ع اعصابي متت قهر عليها لو ادري ما موخر راسي ياريتها بيه ولابيج حبيبتي حوري
متحملت طبيت للصاله
تبجي متشوفني
كملتها الدكتورة خياط وتحجي وياها حبيبتي حياتي ماما خلص خلصتي مابيج شي هسه تطلعين ترحين لماما
جريت حصرة عليها ماما لا محنةامومه عدها ولا رحمة دكتورة مجردة من كلشي عافتج مدماية وانهزمت لكتها فرصة فكرت بس بنفسها يربي لو مربي كلب هم جان وفالي
مجاي استوعب الي تسويه
خابر حيدر كال وين انت
كتلة بصالة العمليات الصغرى طالعلك
خلصت الدكتورة ضمدت راسها كالت اخذوها سوولها اشاعة
طلعت لحيدر اشوف امي حلكها يابس وتركض ادور بله هاي ام وذبج ام
امي سنين كعدت علينا وربتنا وتحملت كولشي لخاطرنا
وهاي تفكر بس بنفسها وبس
اجت امي علي ها يمة شلونها بنيتك شبيها شصار الها
وكعت يمة بعدين احجيلج وينها هسه
ذيج ع السديه
حيدر تعال اخذها للاشاعة اني احس جسمي باد وارجف مااسيطر ع اعصابي كمت
طبوه عليها وامي تبوس باديها ورجليها
امي وحسنات هنه ربنهن ومتعلقة امي بيهن كلش
دفعها حيدر بالسديه لغرفة الاشاعة
اخذولها اشاعة
واني انتظر ع نار
كال الطبيب مابيها شي بس اشويه ورم ان شاء الله اطيب
ساعة ساعتين وطلعوها
جلبت هي بامي ودكلها بيبي اني ضربتني
وامي يااا صدك ضربتها الله لاينطيها العافيه هاي مريضة مو بوعيها ابد
التفتلي صدك هالحجي
اي يمة عود بعدين نحجي من نطلع
حاطة الله وياها تخبلت هاي
ميقات
بيبي اكلت راسنا وبس تصيح وتغلط علينا كلنا خبطتنا خبط نسوان تالي وكت تعافن كلش
ساره كالت عفية ميقات تعاي شيلي رضاوي وياي اصعده فوك
بيبي سمعتها
-وين ماخذه الولد عوفيه هنا يم جهال عمه يلعب شني حابسته شني
جده اريد انومه
ينام هنا وانت اصعدي روحي احبسي روحج جنج يهوديه تنكطين سم
-بيبي شبيج وياي شدة فد مرة وياي
-مدغوغه منج شايفة نفسج علينا
شني حابسة بزرنا فوك ذول بزرتنا تردين ولي انت جبح هالشوفة اتعيقل ع حيدر
ترحيله فدوه شني بحلاته انت بشهادته الف وحده اتمناه تره اله ازوجه واكسر خشمج كسر وحك الله
-زوجي بالعافية واني شكوو
-دضلي دفرتي نعمتج بيدج مايطلكج وازوجه فوكج خوش
-لا مو بكيفة يطلكني ويزوج
-ليش ترديلج رجل خاف
-بيبي شبيج عبالك عدوتج اني
من سوالفج مرمرتينه استجني شويه خبصتي الدنيا ويوميه عركة وسالفة شايفة روحج
سارة عافت جهالها وصعدت تبجي
بيبي ذبت الحركة بيها
التفتت ع جنات اكولج بيبي قست عليها هواي
بعد بيبيتج ماتسوي هيج وتحجي اذا مامخططه لشي
اندري
مبايل يدك مالمن
جنات كالت مبايلي دشوفي خاف الولد خابروا راحت
كالت هذا وليد
افتحي خط شوفي شيريد
يعني طردني شيريد يخابر
دشوفي
جاوبت
هلو وليد
شنوو وين اروح
وليد انت طبيعي شنو تطردني شنو راح اجي اخذج لعبه اني عندك
ابتسمت جنات مدري شكللالها بعد ماجانت عصبيه
-حبيش جذاب لا هههه يله تعال اخذني
يا صفنت عليها
وين الي ماارجع واسويله كلب
-شسوي احبه حييل وهو هم مو شويه الي صار وياه عينه راحت
مدام هيج شكو تزعلين .
اووف شسوي اجي اشوفكم ع الاقل بزعله ميخليني اجي
هسه راح ترجعين
اي اي بس بالليل ورة العشة يجي ياخذني
الله يسعدكم ويهدي عليج
امين يارب العالمين
