#سنوات_من_العمر
للكاتبة ام مصطفى
البارت الحادي عشر
ميقات سديت عيوني وصرخت من شفت دماية نزلت
رعددد
طب عقيل وحيدر ع صريخي
وامي وبيبي وسارة كلها اجت تركض
ركضت اني ع رعد رعد
كال مابيه شي لا تخافين بيدي
سارة صرخت
رعد بيك صارلك شي
عقيل دنك لزمة شصار شكووو
كتله
مسلم ضرب رعد ع مود ورود خانم .الله لايوفقج هجامة بيوت
هي ضلت تبجي والله ماسويت شي جنت تحجي وترجف من الخوف
مسلم جان باقي ع وكفته
طفر عليه عقيل وضربه شبعة كتل
كلب حقير تمد ايدك ع رعد اني اعلمك. ش اليوم امشي اطلع بره انت ومرتك
بيبي كامت وتطك بيه بالعوجية امش بره اخذ مرتك واطلع بره يله امشي
مااشوفك بالبيت
اني جبت وصله وشديت جرح
وعقيل كومه امشينه رعد
كام جان عصبي نار وبوده ياكل مسلم ومرته
كال لعقيل
عقيل هاي لخاطرك سكتت ثق بالله لو غير واحد معتدي علي لكسمة نصين بس اني لخاطرك وخاطر بيبي وميقات
وكلة مرة لخ يعلي صوته ع مرتي لو يمد ايده عليها مايلوم اله نفسة
اذا مرته عزيزه عليه ياخذها ويطلع ترة
-خل يولي يخوي هذا زعطوط وهاي لاعبة بعقلة هسة يجي ويعتذر منك ويبوس ايدك ورجلك والله العظيم هو كلبه طيب بس متسرع ومايعرف يصرف
امشي امشي اخذك للمضمد
مسلم
مااعرف شلون من دفعني عقيل وكعت ع الكاع شفت سجينه بالكاع شلتها وركضت ضربته بيده بيها
صح تصرفي غلط وتهورت بس اني استكنفت بوكتها من ضربني ودفعني كدام مرتي
شفته الدماية طلعت منه انصدمت
شسويت اني معقولة ضربت اخوي ع مود ورود
اخخ شسويتي بيه ورود حبج خبلني
عقيل ضربني استاهل بس من طردني لا مااكدر اطلع من البيت مثل مااحب ورود هم احب اهلي مااريد اطلع واعوفهم
انوب بيبي جملتني وطردتني
خلص مامنها بعد رجعة مدام بيبي قررت هاي هيه يعني صدك انطردت
ضليت الوم بنفسي
صعدت فوك رجعت ع ورود
انت اكلج لو تنظمين وقتج لو اتركين الدراسة
-ليش مسلم انت وعدتني تخليني اكمل بعدين اني دراستي صعبة يرادلها تركيز
والله بعد مشكلتج اختاري واهلي مو خدم عندج
شفتي ماكو اكل روحي سويلج سم واكلي اله تسويلنه سالفة وتوزيني ع اختي اعوذ بالله من الشيطان الرجيم
شوفي ورود لو تنظمين وقتج لو تبطلين
-لا عفية كولشي ولا دراستي مسلم لا تسوي هيج لا تخليني اتندم ازوجتك انت وعدتني تساعدنه وتخليني اوصل لحلمي واصير دكتوره
-ورود انت حتى اني مقصرة وياي يعني لا اكله لابسة غاسلتلي لا تنامين يمي
لا تسولفين وياي ليل نهار اسج بالكتاب مايصير هيج
-اوعدك منا وهيج ارتب وضعي بس لا تبطلني
دفت الباب امي وطبت
يله مسلم لم غراضك واطلع بره انت ومرتك
-يمةة فدوه اروحلج كافي البيه كافيني
-لا كافي ولا اسكت كتلك لم غراضك واطلع هسه
-وين اروح متكليلي
-مااعرف يله اطلعوا عقيل حلف اذا يرجع ويلكاك يذبحك اخذ مرتك وكفينا شرها
-عمةة اني اسفة والله مجنت مصوره راح توصل لهيج شي
-اسفة روحي احجيها يم لهلج اني متصرف عندي يله عشر دقايق انزل وتنزلون وراي
