#سنوات_من_العمر
للكاتبة ام مصطفى
الجزء الثاني
البارت الثاني
سارة
كتلة بكيفي اريد اتخلص منك باجر يجوز اريد اطلع اطب احب انحب ازوج ماتريد ارتبط بيك
تقرب مني لزمني من ايدي وفرها سارة لا تستفزيني هيج ترة بعدج ع ذمتي حتة لو مااريدج بس ماكو رجال يقبل يسمع هيج حجي من مرته
ولا تنسين انت بت عمي ومرت المرحوم اخوي يعني عرضي فهمتي
مدامج هيج كارهتني شكوو قبلتي بيه بالبداية جان من الاول صرتي هيج شاطرة ورفضتي
وجان اني ماخسرت حب حياتي بسببج
-بيبي جبرتني وثانيا جنت متاكدة مراح توافق لان تحب اختي فكتلها اذا قبل حيدر اني اقبل ماادري بيك ماعندك شخصيه وبسرعة تستسلم انصدمت اصلا وسكتت ورضيت وراها كلت بلكت يصيرلي سند الي ولجهالي
بس انت عيشتني بذل تسب وتغلط وتضرب وحتى الجهال رعبتهم تكسر الغراض وتتتقاوه علي شنو ذنبي اني متكلي شنوو ذنبي
-انت متحسين بنار الي بكلبي متعرفين شنو وحده احبها سنين ومنتظر يوم يوم اخلص واخطبها وتالي تصير لغيري
اني جاي اموت بهاي المرحلة تعرفين شنو جاي اموت وانت السبب انت
-رجع وكال انت. السبب كتلك طلكني ولو هي تحبك تفسخ خطبتها وترجعلك
اي مو لعب جهال اطلكج واروح اخطبها روحي بابا روحي اصعدي لجهالج
-كتلك طلكني مااصعد اذا متاخذني هسه للسيد نطلك
-استغفر الله ياربي سارة وخري مني هسه فتح الباب راد يعوفني ويطلع
صحت وين احجي وياك
عاط حييل كتلج وخري مني يله امشي
لا تصيح انت متخوفني بصياحك ولا تهز شعرة مني
وكفت بوجهه
اجه ضربني راشدي
طبت ميقات وعمتي شبيكم اسم الله
كلت لعمتي ابنج صاير رجال علي
ميقات كالت شبيج سارة لعد شنو مو رجال هو تخبلتي شنوو
اي عيني تخبلت كلش خل يطلكني
صاح
يمةة وخريها مني كامت متعرف تحجي واني خلكي ضيك
كتلك مااروح اله اطلكني
بوكتها ركبني جني اسمة طلكني بطبعي عنوديه ومااسكت ع شي يغثني
اريد اخلص من صدك منا اختي متحجي وياي ومنا هو
كلت لازم احسمها
التفتت علي اصعدي البسي وتعاي وانت يمةة امشي ويانه
حجت ميقات
سارة شبيج صدك تحجين ترة والله تخسرين خلي رجال فوك راسج انت وجهالج الدنيا صعبة
-خلي الج الرجال ست ميقات اني بغنى عنه واشرت الها بعيوني ضربتها بسمار ع وسام
ارتبكت وكالت شنو شتقصدين
-يعني ليش متزوجين انت مدامج الدنيا صعبه
حجيت وصعدت بوجهي حسنات
اكلج حسنات راح اطلع وي حيدر للسيد ابقي يم جهالي
اي عادي لبست ونزلت
لكيت حيدر طالع
رحت لعمتي وينه حيدر
طلع خابروه وطلع
عمه عود ليش هيج يسوي ترة اطلك اطلك
-سارة ترة مصختيها كلش كافي شمسويلج هسه الولد انت فوك وهو جوه تره العقد مماثر عليج
بنتي خلي سند الج اني اموت وامج تموت وانت صغيرة
-عمة اني اسوي هيج والله مو بس ع مودي هم ع موده هو خل يشوف طريقة هم حقة
اجت عمتي باستني استهدي بالرحمان يمةة اتركي هالموضوع هسه وخل نشوف شلون تصفى والله كريم
-عمة فدوه اروحلج اذا تحبيني خل يطلكني واريح راسي وراسة والله العظيم تصير مشاكل خل يطلكني احسن وهو هم يضل عم جهالي وكلمته مسموعة علينا بس بله زواج
-شكلج انت من زمان الترديه تسويه
بس خل نشوف وضع بيبيتج شلونه وخل تستقر واني اخلي يطلكج
حتى لو بسكوت بيبيتج من كلها حيدر الطلاك باطل بس ردت اسكتها
شويه بدت تتحسن يابنتي بيبيتج هي لا متنا والولد يسمعون كلامها اكثر مني خاف تموت وتطشرون كلكم
اطينا مجال ميصير كلشي عناد عندج
سكتت بعد كتلها ان شاء الله
