Crazy In Love With You [BOYXBOY][Completed]

Chapter 36: James

Sa loob ng maigsing oras at panahon. Sobrang rami ang nangyari sa akin. Ganun rin kila Jonathan, France at Pau, ganun na rin sa mga kaibigan namin. Sa loob ng ilang buwan na magkakasama kami, sobrang nakilala ko na sila. Sobrang minahal ko na sila bilang bagong parte na nang pagkatao at buhay ko.

Isa sila sa napakaraming dahilan kung bakit lalo naging makulay ang buhay ko—kung bakit lalo itong naging makabuluhan. Lalo na si Jonathan, isa siya sa pinakamagandang nangyari sa akin ngayong taon. Hindi ko aakalain na muli akong magmamahal. Muling titibok ang puso ko sa taong minsa’y kinainisan ko.

Habang pinagmamasdan ko sina Pau at France na nagkukuwentuhan. Hindi ko maiwasan ang mangiti sa aking nakikita. Hindi ko mapigilan ang sarili ko na maging masaya sa likod ng nangyari sa kanilang dalawa. Bukod pa roon, masaya rin ako para sa kanila dahip tuluyan na nilang napatawad ang bawat isa. Parehas na rin nilang nakamtam ang kalayaan na matagal na nilang hinihingi sa kanilang pamilya.

Masaya rin ako, dahil natuto ang mga magulang nila na ituting silang anak. Naroon ako mismong nung araw at oras na kung saan, humingi ang kanilang mga magulang ng kapatawaran sa lahat ng kanilang nagawa. Hindi ko akalain na—sa bigat ng nagawang kasalanan ng magulang nila, nagawa pa rin nilang magpatawad at muling tanggapin ang mga iyon sa buhay nila.

Sabagay, mahalaga pa rin ang pamilya sa bawat aspeto ng buhay. Wala rin namang ibang magpapatawaran kundi ang magkakapamilya rin. Masaya ako para sa kanilang dalawa na muli nilang bubuuin ang pamilyang nasira dahil sa mataas na interes. Natutuwa ako na muli kong nakita ang ngiti sa labi nina France at Pau.

“James—” Dinig kong pagtawag sa akin ni Pau.

Dahil sa ginawang pagtawag sa akin ni Pau, napukaw nito ang aking pag-iisip. Napatingin ako sa kaniya at nagbigay ng isang tingin na nagtatanong. Sumenyas naman ito sa akin na tumabi ako sa kaniyang hospital bed. Napatingin naman ako kay Jonathan at tulad ng aking inaasahan, tanging pagtango na lamang ang kaniyang nai-sagot sa akin.

Ngunit, gagawa pa lamang ako ng isang hakbang ng marinig kong magsalita si Jonathan. “Pau, hindi mo na maaagaw pa si James. Dahil nakatali na siya sa puso ko. Huwag kang magtangka na agawin ang taong mahal ko, kung ayaw mong manatili diyan sa kinahihigaan mo ngayon.”

Napatawa na lamang ako sa naging pagbibiro ni Jonathan kay Pau. Simula nung araw na nangyari ang malagim na pangyayari sa buhay nina Pau at France. Jonathan asked me to talked Pau. At first, wala akong ideya kung ano ang bagay na gusto niyang sabihin kay Pau. That time, doon na pala sinabi ni Jonathan kay Pau na magkarelasyon na kami.

Ikinuwento sa akin iyon ni Jonathan nung gabing pauwi na kaming dalawa. Sinabi niya kay Pau na pagmamay-ari niya na raw ako. Sinabi niya rin kay Pau at nangako siya rito na hinding-hindi niya raw ako sasaktan at paluluhain. Sa mga sinabing iyon ni Jonathan, halos matunaw na ang puso ko. Dahil ramdam na ramdam ko ang kaniyang sensiridad sa bawat salitang binibitawan niya sa akin.

Ikinuwento rin ni Jonathan sa sakin ang naging reaksyon ni Pau. Ang buong akala ko ay against siya sa relasyon na mayroon ako kay Jonathan. Pero, nagkamali ako. Natuwa siya dahil nakakita na raw ako ng isang taong magmamahal sa akin ng totoo at tapat. Dagdag pa niya, na masaya raw siya sa aming dalawa ni Jonathan.

“Masaya ako para sainyong dalawa ni Jonathan. Nahihina man na sabihin ko ito sa ‘yo, pero, sana mapatawad mo ako sa lahat ng nagawa kong mali. Sorry, James kung hindi kita napanindigan. Siguro, kaya nangyari ang lahat ng ito, ay dahil may taong tulad ni Jonathan ang mas hihigit pa sa akin sa pagmamahal sa ‘yo.” Pagsasalita ni Pau ng makaupo na ako  sa kaniyang tabi.