عندما تتغير الاقدار

مشهد

                    ... عندما تتغير الأقدار ... 

حبايبي صارت خربطة بالراوية وضطريت احذفها وهسه رجعت نشرتها 💔

بقلمي الكاتبة قمر 💁❤

تركتهم يحجون وطلعت اركض مثل المخبله...
محد كام وراي لان عبالهم راح اصعد للغرفه...
واهرب منهم مثل كل مره ...
يكسروني بيها ويحولوني الى اجزاء...
صغيرة يدوسون عليها بأفعالهم القذرة...

فتحت باب البيت الخارجي وطلعت اركض ما ادري وين رايحة وشجاي اسوي بس كل الي ابالي اهرب من كلشي اهرب المكان مابي اي بشر ضليت امشي والدنيا بدت اصير ضلمة والشوارع فرغت لان الناس رجعت لبيوتها حتى تفطر اما اني فطوري هم وحزن ودموع

وصلت للشارع العام وصار كدامي البستان ردت اعبر اجتي سيارة طايرة كبل داس بريك من صرت كدامه وضل يدردم بس اني ما اهتميت ولا باوعتله استمريت امشي دخلت للبستان وهنا صار البستان كولش اضلم وهدوئ بس

صوت الاذان يصيح الله اكبر .....

اكو جانت حجارة جبيرة كعدت عليها وحطيت راسي بين رجليه ولملمت روحي وصرت ابجي بصمت

بعد ثواني ما حسيت غير واحد جرني من شعري....
رفعت عيني شفته الشخص النهه حياتي بنهوته...
واكف بكل شموخ وعيونه حمر صايرات...
وشراين كصته بارزات من العصبيه...
من شكله هيج يصير معناها ميطمن بالخير....

لاتنسون التصوير 👈🏻⭐

وكل ما اشوف تفاعل اكثر كل ما انزل بارتات اسرع ❤

                          ... كونوا بخير ...