عندما تتغير الاقدار

البارت التاسع عشر

بقلمي الكاتبة قمر 💁‍♀️❤

لاتنسون التصويت 👈⭐❤

‏وحدكَ يارب تعلم بأننا نختبئ خلف أموراً كثيرة نتمناها أن تتحقق، خلف أيامٍ سيّئة نريدها أن تذهب وتتلاشى بعيداً عنا، خلف أنفسنا وضحكاتنا الزائفة التي تخبئ الكثير والكثير، اجعل من أرواحنا طيوراً تستطيع أن تطير وتلمس السماء، اجعلنا أحراراً يالله.

سمعت صوت مئلوف بسرعه انتفض كلبي درت وجهي من شفته انصدمت ونعكد لساني

فتحت عيوني بدهشه شفته واكف كبالي لابس بنطرون اسود وقميص اسود لازك ع جسمه من كد ضخامته ولابس وياهن نضارات من شافني ابتسم كتله بتوتر وجسمي كام يرجف....ليث

ليث....شكد اشتاقيت اسمع اسمي بصوتج

درت وجهي وشلت جنتي وردت اروح

ليث....اسمعيني ع الاقل

انتبهت شلون الطلاب ضلوا يباوعنه وذكرت كلام ثائر من كال ديري بالج تحجين ويه اي ولد وهدور ليث اذا عرف هل مره ينيمنه ثنينه بالمستشفى واني ما مستعده اخسر دراستي بسببه

كتله بحده...ليث خلص اطلع من حياتي اني مره مزوجه وعيب عليك تلحكني

ليث....وين راح كلامج كارين شبسرعه نسيتي حبنه

كارين....حبك وذكرياتنه وكولشي متعلق بيك دفنته بكلبي وخلص كارين القديمه ماتت ومات وياها حبها الليث

ليث...لج مين جبتي هل قساوه معقوله تحبي ؟ حجاها بخنكه

كارين انقبض كلبي كتله بصوت تعبان....طبعا احبه

ليث...واني؟

كارين....شوف حياتك ونساني

ردت امشي جرني من ايدي حيل وحجه بعصبيه....كتلج اسمعيني الاخر مره لتخليني اعيد كلامي

كارين جريت ايدي منه وخزرته وكتله....امشي يله بس مو هنا

مشه كدامي واني مشيت وراه واحس جاي اروح للموت برجليه

كعدنه بمكان بي طلاب قليله كعدت وكعد بصفي كتله ....احجي بسرعه رجاء ليشوفنه احد يعرفني

ليث كعد يسولفلي من اول يوم ماتو بي اهلي ورحت البيت عمي لليوم الي عرف بي جنات حامل منه يحجي بتعب ومبين الحزن عليه

واني يحجي وكل ما تريد الدمعه تنزل امسحها قبل ما تنزل ضليت اسمعله بتركيز بس ويه كل كلمة يكولها احس نار اشب بداخلي

ليث....رحت حجزتلها يم دكتورة علمود عملية الاجهاض ولان هيه ما مزوجه صارت صعوبه بس بحكم معارفي كدرت ادبرها رحتلها ع الشقه وكتلها بالي صار ضلت تبجي وتتوسلي بس اني جنت مصر ع قراري ما اثرا بيه دموعها طلعت وركبت بسيارتي واني مخنوك والدنيا طالعه من عيني ثاني يوم خابرت ام عباس حضرن روحهن وجيت عليهن انطيت ام عباس فلوس وكتلها من تكملون اتصلوا عليه سمعتها تكلي