عندما تتغير الاقدار

البارت السابع

                     ....عندما تتغير الاقدار....

اليوم لعيون الي طلبو بارت طويل 😇❤

لاتنسون التصويت 👈🏻⭐❤

بقلمي الكاتبة قمر 💁❤

مثل #ناكوط ❗️
حب تحجين وأنتظره 📬
ي بيضه #كلب وخدود بس سوالفج #سمره ❤️

طلعنه يم باب المطبخ الي هيه صاير بالحديقه بعدين سمعنه صوت زلم اصيح الحكو الشيخ ثائر اصووووب

مرت عمي كبل ضلت ادك ع وجهها ورجليها يمه وليدي يمه حزام ضهري

او زينب ومريم يجبن واني ضليت ابجي ع بجيتهن وما ادري شنو الفلم

بعدين مرت عمي فتحت باب المطبخ تريد تطلع والبنات لزمنها لان خفنه عليها يصير بيها شي صوت الطلق لسه مستمر

وره ثواني صار هدوء بره

الحجية بسرعه ارتفع ضغطها رادت توكع كمشناها كعدناها ع الكرسي وجبتلها  دوه الضغط مالتها ونطيتها ماي خفنه عليها ليصير بيها شي وهيه مره جبيره متتحمل كتلها بيبي اخذج للغرفه ما قبلت كالت ما اروح ولا يهدالي بال اذا ما اطمن ع الشيخ

ام ثائر...لج ركضييي جيبلي موبايلي خلي اخابر ابوج اشوف وليدي شبي ... يممممه او كاعده ودك ع رجلها

ركضت زينب جابت الموبايل خذته امها واتصلت ع عمي سلف

ام ثائر... الوووو ثائر شبي...ها يعني مابي شي ايي الف الحمد الله راحت رويحتي وياه .... زين والطلقه وين اجتي.... هاا بجتفه الله لا يطيهم يمه وليدي .... اي راح اكول الواحد من الحمايه ياخذني بيا مستشفى انتو.... خوش جايين

سدته وكالت الزينب ركضي جيببلي جواريبي وعبايتي

الحجيه...خلي اجي وياج

ام ثائر...لا حجيه ضلي هنا انتي منا ضغطج صاعد

الحجة كامت من الكرسي وجرت عبايتها وحطتها ع راسها.... ما اكدر يا راحه التجيني اذا ما اشوف الاسد سالم بعيني

جابتلها زينب عبايتها وجواريبها كعدت لبستهن ومن رادن يطلعن

ام ثائر....ممنوع اطلعن بره او تفتحن الباب الاي احد وشيخ سلف دز حماية واكفين بالباب ماشي مثل ما وصيجن

زينب....يمه خلي انروح وياجن اريد اطمن ع اخوي

ام ثائر صاحت بيها...كعدي وين رايحه هناك كله زلم كوه ابوج قبل نجي اني والحجيه

وخلن وطلعن وزينب بقت تبجي لاحضتها كولش متعلقه باخوها وتحبه مع انو مرات يصير قاسي وياها

ضليت كاعده يمها وهدئ بيها اما مريم عافتنه و صعدت الغرفتها

زينب هيه وتبجي... اكلج خاف اخوي يموت