عندما تتغير الاقدار

البارت الرابع

... عندما تتغير الاقدار ...

يـ َ بَعد المّا يشوفَّن غَيرك مرايَة
‏يـَ سَالفتي و رَبيع الله ،
‏و حِلم عُمري ،
يـ َ نَهر العافية ومايَه

بقلمي الكاتبة قمر

لاتنسون التصويت 👈🏻⭐❤

الشيخ ثائر بعصبيه...ويامن تحجين

درت وجهي بتفاجئ شفته واكف وعاكد حواجبه لا اراديا سديت الخط بوجه ليث وجاوبته بتسائل...ومنو حضرتك

ابتسم ابتسامة مستفزة وجاوبني... انه الشيخ ثائر ابن عمج الصغير والجبير يعرفني

كارين...والمطلوب؟

الشيخ ثائر... انتي شو متعرفين تحجين ويه الاكبر منج سئلتج سؤال ويامن جنتي تحجين

بهل اثناء اتصل ليث كبل انطيته صامت هوه انتبه وخزرني

كارين...ولو هل شي يخصني وما مضطره اجاوب بس راح اكولك حتى ارضي فضولك جنت احجي ويه ضابط التحقيق بخصوص شغلة اهلي الله يرحمهم

ثائر بغضب وهوه يسبح بالسبحة مالته بصورة سريعة...ومن شوكت الحرمة تحجي ويه الزلم هذه شغلنه الشيخ سلف راح يحلها من يمه

كارين...هل شي بيني وبين الشيخ رجاء لتتدخل

قبل ميحجي كمت ودخلت جوه صعدت الغرفتي اتصلت ع ليث وحجيت بصوت ناصي

كارين...الو ليث

ليث... كارين انتي ناويه تكتليني اليوم

كارين...لجيب طاري الموت ليث ترى كلبي خلصان

ليث...منو هذه الغضب الحاجاج

كارين...ابن عمي

ليث بصياح...لج انتي شوداج للبصرة بس فهميني

كارين...عمي كلي تعاي وياي وبيبتي رادتني يمها وكالو اذا ما ارتاحيتي يمنه رجعي يم خالج

ليث...عفيه ست كارين عفيه واني اخر من يعلم

كارين...ليش والله ردت

قبل ما اكمل سده بوجهي هيه جانت ناقصه وكملت

ليث¶¶

بليل كلت خلي ارجع للمستشفى اشوف كارين واخذ امي واختي بحجت يطمننا عليها خذتهم ورحت كالو طلعت المريضة من المستشفى ضجت ورجعت للبيت اتصل عليها جهازها مغلق ادري الي مرت بي مو شي سهل فا اني عاذرها ما اريد اضغط عليها

صارت الفاتحة مال اهلها ابيت خالها رحت الهم وعيوني ادور عليها اريد اشوفها متلهف عليها

جنت اتمنى تخلص سادس حتى نزوج وهسه صار كولشي صعب يله تجري الرياح بما لا تشتهي السفن بس اني قافل عليها اجيبها وخليها بحضني لو كل الدنيا عاندت ويانه