عندما تتغير الاقدار

البارت الخامس

... عندما تتغير الاقدار ...

بقلمي الكاتبة قمر 💁❤

لاتنسون التصويت 👈🏻⭐❤

يا حسرتي تباعدي
ويا بسمتي الضاعت إتدني
آخ مني
وآخ من روحي
الگظت هذا العمر بس بالتمنّي

ردت عليه مرت عمي... يمه هيه بنيه حضريه وجايه من بغداد بعدها شوي شوي تتعلم عاداتنه

ثائر بعصبيه...يمه تدرين بحجايتي وحده مصير ثنين اليوم العصر حضروا روحكم اخذكم تشترولها ملابس نفس الاوادم

كارين اني كبل طلعت من المطبخ حتى ميشوفوني صعدت فوك واني معصبه حيل من هذه الاسمه ثائر يحشر خشمه بيه شكو اذكرت كلام هند من كلتلي راح يشلعون كلبج جريت حسره وكلت خلي اجفه الشر لان اني روحي بخشمي ومالي خلك سوالف المزعطه كمت ادور بملابسي ع دشداشه ملكيت بس وحده وكصيره لان اني جنت ابيت اهلي كوله تراكات وبرموده

قررت اغلس منو هوه حتى يتحكم بحياتي رجعت نزلت جوه دخلت للمطبخ لكيت مرت عمي كاعده اسوي ريوك وزينب واكفه بصفها اساعدها شافني ابتسمن

مرت عمي... اصبلج جاي حتى تتريكين ويانه

كارين...لا باجي اني اصب عنج

رحت صبيت جاي وكعدنه ناكل كولنه وره شوي نزل ثائر من الدرج شلت عيني لكيته يباوعلي لابس دشداشة زيتوني ولاف هاي مال سلاح مدري شسمها وحاط السلاح بخصره وريحة عطرة ملت المكان عبالك جان يتوضه بي كبل فريت عيوني وجاهلت وجوده

ثائر...صباح الخير

الحجية...هلا وليدي تعال اتريك

ثائر راح باس راسها وكال... الف عافيه عندي شغل وباوعلي صفح وطلع

مرت عمي... بنيتي اليوم تعاي ويانه راح انروح اني وزينب للسوك نشتري كم شغلة

كارين...باجي تعبانه ومالي نفس

مرت عمي... لترديني مو جاي اطلب منج

كارين...ماشي

وره شوي اجه همام اخو ثائر صبح علينه راد يطلع صحتله كولها رفعت عيونها

كارين...خويه بلا زحمه وين الشيخ سلف اريد احجي وياه

همام... الشيخ بالمضيف

مرت عمي...راح اصبلج ريوكه اخذي وياج للشيخ اذا ترحين

كارين....ماشي باجي

خذت الصينيه ورحت وره همام دخل ودخلت وراه وشفت ثائر كاعد بصف الشيخ اول ما طبيت كلت صباح الخير رد بس عمي

حطيت الصينية وكتله... عموو اريد احجي وياك بموضوع مهم

سلف...كولي بنيتي ميكون خاطرج الا طيب

كارين...وحدنه

طلع ثائر بانزعاج وكال...منرخصت الشيخ

ولحكه همام