عندما تتغير الاقدار

البارت الثالث والعشرين

بقلمي الكاتبة قمر🙋‍♀️❤

لاتنسون التصويت👈⭐❤

اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي

رجعت الغرفتي ضليت اعزل بيها لليل اجه ثائر فتح الباب حيل ومبين من شكله معصب شافني صاح بصوت رج البيت رج....جنتي تدرين مريم تحجي ويه ولد وما كتيلي مووووو

بسرعه غرغرت الدمعه بعيني ونهضمت لان صيح عليه عود اليوم شوي فرحت ولو اني متعلمه فرحتي متكمل لازم يجي شي ينغص عليه

صاح بيه ....مجاوووبين ويامن احجي اني

كارين....ليش اصيح ترى يمك اسمعك ماكو داعي للصياح

ثائر....جاوبيني ايييي لو لا

كارين....اي جنت ادري

ثائر....وليش ما حجيتيلي جان بوقتها اصرفت وما صار الي صار

كارين...ولو حاجيتلك اصدكني ؟

ثائر....استغفر الله انتي كلشي ميفيد وياج

كارين....دفعنك عليه مو

قبل ما اكمل كلامي اجه طاير عليه جرني من شعري راسي رجع لوره وجسمي صار يرجف حجه من بين سنونه....اول شي اني رجلج ومن واجبج تحترميني ثاني شي اني اكبر منج وثالث شي اني رجال

كارين...هدني ثائر شعري تكطع

ثائر....شنو لج قابل اني عربانه ويدفعوني هاي الكلمه بذات ما احبها والله لو ما اكول حامل جان عرفت شصرفت وياج ....ونترني وطلع سمعته يكول شعجن هنا شسمعن شعدنه حفله

بقيت مصدومه ع كولشي لازم يهيني ويضربني ويدوس ع كرامتي لشوكت ابقه اتحمل هذه ثائر ما راح يتغير راح يبقه هيج يوم زين وياي ويعيشني بجنه ويوم يذبني بجهنم...

ضليت صافنه ع حالتي لا حول ولاقوة لا بيه اخابر خالي وكله رجعني حتى استحي من الرجال كل يوم وكله زعلانه ولا بيه ابقه هنا اخخخ صدك الماعنده اهل ينذل

هل مره ما سمحت لدموعي تنزل لان تعودت ع هاي المصايب اجاهلت كولشي وصنعت القوه رحت ع فراشي حاولت انام بس ما كدرت

طلعت موبايلي وضليت اكلب فضولي شدني وخلاني ادخل ع صفحة ليث ضليت اكلب بصوره اجتاحني احساس متناقض شفت اخر صوره اله ناشرها من وقت طويل لابس الزيي العسكري ومتجف اديه وعاكد حواجبه وراه سيارة عسكريه وكاتب جوه الصوره