عندما تتغير الاقدار

البارت الواحد والعشرين

بقلمي الكاتبة قمر🙋‍♀️❤

لاتنسون التصويت👈⭐❤

-

ردنه انعوفكم

بس الكلب جذاب مايقنع.!

🍁🍁🍁

ام ثائر....متحجي هاي شسوي هنا

ثائر....بعد شوي يجي الشيخ يعقدنه

كارين باوعتله بنضره مليانه عتب ودموع درت وجهي تركتهم يتعاركون بينهم وصعدت فوك اركض والدموع تتطاير من عيني وصلت الباب غرفتي احس روحي دخت ونفسي كامت تلعب

دخلت الغرفتي قفلت الباب وذبيت روحي ع السرير دفنت راسي بالفراش وضليت اناشغ مثل الطفل

ميحبني اصلان يضحك عليه لو يحبني ميسوي بيه هيج جم مره عذبني جم مره كسرني

ياربي ليش اني بالذات مكتوبلي الحزن بختي ما كعد لا بأهل لا بحب لا بدراسه لا بزواج والله تعبت كافي الدنيا حطت كل حملها عليه واني بعدني طفلة

كمت مسحت دموعي وطلعت موبايلي اتصلت ع خالي شوي ورد

كارين واني احجي بالكوه...خالوو حباب تعال اخذني اذا ابقه ثانيه هنا بعد اكتل روحي

رائد....شبيج خالو اسم الله عليج شسوولج منو اذاج

كارين من كلي هيج انفجرت بعد ما اكدر اسكت

كارين.... ثائر وزوجوني منه بالكوه ضربني كم مره وبالمره الاخير نيمني بالمستشفى وانخطفت وتبهذلت بسببه وهسه جايب مره عليه

رائد...هذه كله صاير واني اخر من يعلم واني الجنت عبالي بت اختي مرتاحه هسه يا بعد خالج جايج بس مسافه الطريق

سديته من عنده وكعدت الم بملابسي حتى ما كلف روحه يجي يطيب خاطري ويفهمني شكد كرهته

بعد السويته بيه تحلم ارجعلك يثائر كافي ادوس عليه او ع كرامتي كافي

نص ساعه وسمعت الباب تندك ما رديت ولا جاوبت

زينب...فتحي الباب كارين اني زينب

كمت كوه اجر بروحي فتحت الباب طبت زينب بسرعه رجعت قفلت الباب درت وجهي وكتلها.... ها عقدوا

زينب دنكت وتفرك بأديها كالت....اي عقدوا

كارين....بالعافيه عليهم خلي يتهنه بيها

زينب....والله ما ادري شكلج مستحيه منج اصلان بس شوفي لازم اكو سبب مقنع خله اخوي هيج يسوي والله هوه يموت عليج واصلان سها من قبل ميحبها ويتخبل منها

كارين....كافي زينب بعد متكدرون تقشمروني بهذه حجيكم اني رايحه وخلي البيت الهم

زينب ضربت خدها...لج وين رايحه غير ثائر يتخبل هسه