عندما تتغير الاقدار

البارت العشرين

بقلمي الكاتبة قمر🙋‍♀️❤

لاتنسون التصويت👈⭐❤

هل بارت 3 الالف كلمة عيديه المتابعاتي الحلوات😍❤

وتعذروني ع التأخير ورجع وكول التأخير مو مني😣💔

وليـش نـعيش
دنيا بـ فاتحة عميان
محد تنحفظ جيتة

ام ثائر.... م مات وليدي راح ه همام من وره هاي العرمه السودت وجوهنه

كارين اني وثائر مثل الاطرش بالزفه نريد نفهم اصاير محد يحجي كلها ادك وتلطم

بعدين عمي سلف جر مريم من شعرها وذبها بالمخزن وقفل الباب عليها والكل ساكت محد تنفس بس عمتي تون وتهذي باسم ابنها المافارك لسانها

سلف....امشي ثائر

ثائر...يمعودين اصاير فهموني مو راح تخلوني اتخبل

سلف....اطللللع بسرعه اشرحلك بطريق خلي نلحك عليهم ليروح دم اخوك

طلعوا واني ضليت حايره اروح اواسي منو كلها تبجي ضليت خايفه ورجف منا ثائر طلع مدري وين ومنا مريم ع ساعه تموت من كثر الضرب الاكلته ومنا همام مدري شبي يربي يعني اني مكتبولي النحس طول عمري عود البارحة يله فرحت

ركضت ع زينب وكتلها بصوت يرجف....زينب حبابه اصاير هنا فهميني

حجت من بين شهكاتها.... ك كل كله من وره م مريم اخوي را راح يموت

كارين.... يله سكتي حبيبتي لتعبين روحج بالكلام

ركضت جبت كلاص ماي الها شربته درت وجهي شفت بيبتي كامت من الكرسي ورجعت وكعت ركضت عليها جبتلها دواها وماي حتى اشربه وضليت اراكض منا ومنا ودموعي اصب

صارت الساعه تقريبا بالوحده كلت خطيه لسه محد تغده كعت اسوي غده سويت تمن وباميا صبيته و حطيته كدامهم محد اكل شلته وجريت حسره

رحت يم زينب لكيتها حاطها وجها ع رجليها وبس صوت شهكاتها تنسمع كطعت كلبي كعدت يمها مسحت راسها وبستها وكتلها ...زنوبه حبيبتي احجيلي اصار اني باقيه هنا مثل الاطرش بزفه كولشي ما افتهمت

زينب ....جنه كاعدين نتريك اجتي مريم كلها همام حمي الجاي برد دنكت تريد اشيل القوري وكع موبايل صغير من صدرها همام عيونه صارت بكصته خذه من عدها فتحه وهيه كامت ترجف وتتوسله يرجعه

ضربها راشدي وكعها بالكاع لان هوه يدري احنى ما عدنه موبايلات فا من شاف عدها موبايل تخبل كام فتحه الرسائل والمكالمات صدمته صار وجهه وعيونه حمر كام كتلها يريد يعرف منو هذه الولد التحجي وياه ما قبلت تكول لحد ما موتها كتل اعترفت وكالت هذه زمن

مسحت دموعها بأيدها ورجعت كملت ... اي زمن الشخص الوحيد الحبيته ثنيهن طعنوني بضهري هوه او اختي الي من دمي ولحمي