عندما تتغير الاقدار

البارت السادس عشر

بقلمي الكاتبة قمر💁❤

لاتنسون التصويت👈🏻⭐❤

سَر بيه أحبك وانت ماحسّيت
خلي أحساس عندكَ حس ولكَ بيه ،المُهِم ذيَچ التحُبگم خَلصّت عَيونها .‏

فتحت الباب وطلعلي ليث جانت صدمة جبيره النه ثنينه من شفنه بعض بس حصته جانت اكبر من الصدمة

احساس متناقض اجتاحني من شفته كلبي صار يدك سريع ومشاعري الي اتقصدت ادفنها حتى انساه اليوم رجعتلي وبقوه

من شفته انتبهت على شكله وهيبته وجماله وجسمه الضخم وصوته الخشن المليان الحنيه كولشي بي يجذبني نحوه

حاولت اطرد الافكار الي احتلنتي اصحي يا كارين الي دا اسوي غلط وغلط جبير بحق نفسي وبحق ثائر وحتى بحق ليث اني مره مزوجه مجرد التفكير بهل شي يعتبر خيانه الزوجي

حجيت بنبرة حاده عكس كلبي وحساسي الي يرفرفن عليه ....هند امشينه نجي بغير وقت

هند بقت صافنه ع حالته ونضراته الفاضحة شوقنه البعضنه

ليث ركز بعيوني وبعدين دنك باوع ع ايدي شاف الحلقه كبل ضميتها جوه شالي جر حسره وكال... براحجن اني طالع

قبل ما احجي صعد بسيارته وشخطها حيل

هند ندستني بمعنى دخلي طبيت دكيت باب المطبخ طلعتلي ليان اول ما شافتني اجتي تركض حضنتني حيل واني هم بادرتها وضلينه نبجي مشتاقتلها كد رحمة الله ما صدكت اشوفها ابتعدت عني واحنى ثنينه انشاغ عبالك ميتين ورجعنه للحياة

ليان بدموع....لج ليش هيج اسوين بأختج شلون هيج تكطعين عليه

كارين....اخ هوه اني جنت حاسبه يجي هيج يوم الحمد الله ع كل حال اهم شي هسه شفتج

ليان راحت فتحتنه باب الاستقبال وكلتنه تفضلوا دخلنه حسيت روحي اختنكت احس بكل زاويه من بيتهم ريحة عطرة جريت حسره وكعدت ع القنفه

شوي واجتي ام ليث شايله بيدها صينيه بيها عصير وكيك قدمتنله وسلمت عليه وضلت اسولف شوي وراحت ضلينه بس احنى البنات طبعا ما كدرنه ننطلق بالكلام لان هند جانت كاعده وهند متدري بعلاقتي بالليث لذلك جنه متقيدين بكلامنه بس نضراته البعض كافيه

كارين...ليش جنت اتصل عليج مجاوبين

ليان...يختي مو بس انتي مريتي بضروف احنى هم سحلتنه الدنيا

كارين نخزني كلبي...خير شنو صار

ليان...مهند اصوب او وصل الموت

كارين جنت دا اشرب بالعصير بس كالت هيج غصيت حسيت شي وكف ابلعومي كمت اكح حيل وهند تضرب ع ضهري وليان ركضت جابت ماي خذت الكلاص منها وايدي ترجف شربت الماي يله شوي ارتاحيت

ليان...يا داداه شجاج متكليلي

كارين....شنو اصوب وشلون فهيمني منو سوه بي هيج