عندما تتغير الاقدار

البارت الثاني

                    ...عندما تتغير الاقدار ...  

بقلمي الكاتبة قمر
لاتنسون التصويت 👈🏻⭐❤

من يمسح دمعتي

من يقبّل خدي

من يطعمني ويلبسني

ومن الخوف والقتل يحميني

يا إلهي رجوتك أن تحميني

وتخفف مصابي

وتعيد لي كل أحبابي

أبي وأمي

أين أنتم لا أدري

أذهبتم وتركتوني

أم أنه الموت قد فجعني

وسلبكم مني

أنتم شمعة حياتي

لقد انطفأ سراجي

وأصبحت أعيش في ظلام

يا ليتكم أخذتموني

عندما غادرتم الدنيا إلى القبر

إلى الله أشكو ضعف حيلتي

فهو ملجأي وملاذي

وأنا في دار الحزن والغربة

الشخص...ابوج انطاج عمره البقيه بحياتج او امج نقلوها للمستشفى وحالتها جدا صعبه

كارين اديه ترجف وبصعوبه كامشه الموبايل....ش شش شنو انته اكيد تشاااقه

الشخص بحزن...هم السابقون ونحن اللاحقون عندج اخ جبير خلي يجي يستلم ال

قبل ميكمل كلامه سديته بوجهه وكعت من طولي مصدومه معقوله لالالا معقوله ابويه عافني لالالالا مستحييييل اني بنته وحبيبته الوحيده ميعوفني وحدي لا اكيد دا يشاقه

دموعي صارن يجرن وقبل ما الحك امسح وحده ينزلن عشره شسوي هسه اني وحدي بالبيت وماعندي لا اخ ولا اخت المن اروح اشكي حالي

بسرعه اجه ع بالي ليث طلعت موبايلي وتصلت عليه واني اشهك وكوه يطلع الكلام مني

كارين... اا االووو ل لليث الحكلي

ليث بصدمة...شكووو كارين منو وياج

كارين بشهكات...بابا مات وامي حالتها صعبه

ليث... شنووووو شجاي تحجي شلون مات انتي وين خو مابيج شي

كارين...بالبيت عفيه الحكلي سوو حادث

ليث...ثواني وكون يمج لسوين اي شي ولطلعين من البيت

كارين سديت التليفون وكعدت بالكاع ملخت شعري وضليت ادك ع صدري شعوري بهذيج اللحضه ما اكدر اوصفه شنو بس جان اسوء شعور مر عليه ما اعرف شنو مصيري وين راح انطي وجهي بليه اهلي

كم ساعه تغير قدري وتحولت حياتي الى ضلام دامس ياكلني بكل ثانيه اكون بي

بعد ربع ساعه سمعت الباب تندك طفرت من مكاني اي اجو بابا وماما من السوك خلي اروح اتلكاهم مثل كل مره احضن ابويه او ابوس ماما