عندما تتغير الاقدار

البارت الثاني والعشرين

بقلمي الكاتبة قمر 🙋‍♀️❤

لاتنسون التصويت فديتكم👈⭐🥰

و تريد چلمةَ بَخت
مآ عوضوا غيبتكْ لاهَلي ولارَبعي

سمعت واحد يكللها شنو كارين حامل عرفته من صوته ثائر

كارين احس الدم نشف بيه من ارتباكي وكعت الموبايل رجعت شلته اجاني صوته يكول ....الووو كارين

كمت اختض مثل السعفه من سمعت صوته كبل سديته بوجهه وغلقت موبايلي

وركضت توضيت وصليت ركعتين ودعيت ربي يكون ما سمع او ما فهم ياربي ساعدني ما اريد ارجع لهناك والله ما اتحمل اشوفهم سوه وهيه مرته الثانيه بس التفكير بالموضوع يحركني حرك

نمت واني اندعي ميسوي شي ثائر ويجبرني ارجعله يمكن اني صح كنت انانيه وفكرت بس بنفسي وما كتله بموضوع حملي وشخص بعمره متلهف يصير عنده طفل يحمل اسمه ويصيحله بابا

بس هوه الي وصلنه الهاي المرحله خلي يروح الها هيه اجيبله طفل اني ابني الي وحدي

غفيت واني ساعه ابجي ساعه اضحك من وره افكاري ثاني يوم فزيت ع صوت مرت خالي اتكعد بيه فتحت عيوني بنعاس

كارين...ها باجي شكو

ام محمد...كومي هاي حماتج اجتي

كارين.... يا حماتي منو هاي

ام محمد...بنيه حليوه وصغيره

كارين...عزه زينب

كمت غسلت وجهي ونزلت اركض باوعت للساعه بثمانيه الصبح تفاجئت شعدها زينب جايه هيج وقت ووحدها معقوله دخلت اول ما شافتني حضنتني و سلمت عليه وشوي وتريد تبجي

كارين...هبتي كلبي زينب الله عليج شكو

زينب هيه وتبجي....لحكي اخوي راح يموت

كارين انتفض كلبي....شبي ثائر

زينب....من سمع بيج حامل اجه طاير الج وبطريق سوه حادث

كارين ضربت خدي ودمعتي طفرت من عيني  .....وهسه وين هوه

زينب...بالمستشفى ويكول اريد اشوفها قبل ما اموت

كارين....يمه اسم الله من عمري ع عمره انتي منو جابج

زينب...همام جابني

كارين....يله جايه وياكم خلي ياخذنه للمستشفى

طلعت واني اركض ودموعي تجري يمه حبيب كلبي وابو بيتي ورويحتي

ربي لتختبرني بثائر صح اني مرات اضوج منه بس ابقه احبه وموت عليه لبست جبه وذبيت شال ع راسي ذب ونزلت اركض تلكتني مرة خالي

ام محمد...يا يمه شبيج ليش تبجين

كارين....باجي ثائر مسوي حادث وراح اروح اشوفه